Gure gaiak

Euskararen hauspo berria

Euskararen hauspo berria

Garikoitz Goikoetxea kazetariak 11 lagun elkarrizketatu ditu euskararen egoerari eta hizkuntz politikaren norabideari buruz. Uztailaren 29an hasita, hauek dira elkarrizketatuak: Iņaki Martinez de Luna, Aines Dufau, Pello Jauregi, Olatz Altuna, Mikel Zalbide, Esti Amorrortu, Joxe Manuel Odriozola, Itziar Idiazabal, Jon Sarasua, Paula Kasares eta Kike Amonarriz.

Albisteak

Azken Korrikan, iaz, Eusko Legebiltzarreko lau talde nagusietako kideak, Tejeria presidentea buru dutela. / RAUL BOGAJO / ARP

Euskararen txingarretan

2014-08-10
Jauzi bat egiteko aukera eta beharra badagoela adierazi dute elkarrizketatutako adituek. Horretarako, ordea, nahitaezkoa da elkarlana sendotzea. Egoera asko aldatu da. Gutxienekoak lortzean ikusten dute gakoa.
Kike Amonarriz. / ©Jon Urbe, Argazki Press

"Ezinbestekoa da minimoetara iristea"

2014-08-09
Arazoak eta kezkatzeko arrazoiak badaudela aitorturik ere, ohikoa duen baikortasunez begiratu dio euskararen egoerari Kike Amonarriz soziolinguistak (Tolosa, Gipuzkoa, 1961). Belaunaldi bat joan dela eta beste ziklo bat datorrela uste du. Gutxieneko adostasunetan eta diskurtso integratzaileagoetan oinarritutako zikloa izan beharko lukeela nabarmendu du. "Paradigma berriak denoi eskatzen digu aldaketa bat".
Paula Kasares, soziologoa. ©Jagoba Manterola / Argazki Press

"Frustragarri samarrak izan dira hamar urte hauek"

2014-08-08
Gazteekin dago kezkatuta Paula Kasares filologoa (Iruñea, 1969): ezagutza handiena duen adin taldea da Nafarroan, eta euskara gutxien erabiltzen duena. Ikusten du euskararekiko atxikimendua Nafarroan, baina borondate politikoa eskas da. Euskarak toki gutxi du eskolatik kanpo: kalean, hedabideetan, aisialdian... Erabilera indartzeko, denen arteko continuum bat ezinbesteko jo du.
Jon Sarasua, Mondragon Unibertsitateko irakaslea. ©Gorka Rubio / Argazki Press

"Ametsa ekoiztu behar da berriro"

2014-08-07
Euskaltasunari buruz pilatutako ideiak Hiztunpolisa liburuan bildu ondoren, plazan, hitzaldietan dabil berriro Jon Sarasua (Aretxabaleta, Gipuzkoa, 1966). Irakaslea da Mondragon Unibertsitatean. Beste estrategia batzuk martxan jartzeko aukera badagoela uste du; azken hamarkadetan ikasitakotik, beste urrats bat egin litekeela.
Itziar Idiazabal, Euskal Filologiako katedraduna. ©Marisol Ramirez / Argazki Press

"Errutinan sartu gara"

2014-08-06
Hizkuntzen egoera, gutxitutako hizkuntzen bidea du ikergai Itziar Idiazabalek (Gaintza, Gipuzkoa, 1949). Euskal Filologian katedraduna da EHUn, eta Unesco katedrako arduraduna. Gero eta garrantzi handiagoa hartzen ari da hizkuntz aniztasuna. Aukera da euskararentzat, ondo arituz gero.
 ©Gorka Rubio / Argazki Press

"Dinamika makrorik ez dago"

2014-08-05
Euskaltegiko irakasletza utzi du, erretiroa hartuta, baina bizi-bizi du euskararekiko kezka Joxe Manuel Odriozola idazleak (Altzo, Gipuzkoa, 1948). Euskararen bideari buruzko liburu ugari argitaratu ditu. Ez dago baikorregi: erdaraz bizi den gizartea euskalduntzea biziki zaila dela uste du.
Esti Amorrortu. / ©Aritz Loiola, ARP

"Euskara beti erabili beharko dugu beste hizkuntza batzuekin"

2014-08-03
Erdaldunek euskararekiko zer jarrera eta aurreiritzi dituzten aztertzen jardun du Esti Amorrortu irakasleak (Bilbo, 1969). Euskara askorentzat ikusezin dela azaldu du; ez dutela beharrik ikusten. Erabilera indartze aldera, hizkuntza alternantzia proposatu du.
Mikel Zalbide. ©/ Jon Urbe, ARP

"Formulazio berria posible eta egoki da"

2014-08-02
Inork baino hobeto daki euskarak nola egin duen aurrera eskolan, alor horretan baitaramatza urteak Mikel Zalbidek (Donostia, 1951). Euskaltzaina da, eta Eusko Jaurlaritzako Hezkuntza Saileko Euskara zuzendaria. Ezagutzan nabarmen egin da aurrera, baina erabilera atzenduta dagoela aitortu du. Berritzeko garaia dela adierazi du.
Olatz Altuna Soziolinguistika Klusterreko ikertzailea. ©Jon Urbe / Argazki Press

"Euskara informala eskuratzeko beste zerbait behar dugu"

2014-08-01
Erabilerari beha, Soziolinguistika Klusterrean aritzen da beharrean Olatz Altuna soziologoa (Usurbil, Gipuzkoa, 1971). Kaleko erabilera neurtzeko ikerketen arduraduna da. Datu kezkagarriak iritsi dira azken denboretan, dela etxeko erabileraz, dela arnasguneez. Testuinguruan kokatu ditu. Ikertzen segitzea ezinbesteko dela uste du.
 ©Jon Urbe / Argazki Press

"Eremu naturalak aktibatu behar dira"

2014-07-31
Gazteek euskararekin zer jokabide duten aztertzen denbora darama Pello Jauregi irakasleak (Pasaia, Gipuzkoa, 1958). Lasarte-Oriako (Gipuzkoa) egoera ikertu du oraindik orain, eta ondorioztatu du jauzi bat emateko aukera badagoela. Haren ustez, euskara eskolatik kanpo ere hedatzea da gakoa. Ziklo naturala edukitzea.
 ©/ Sylvain Sencristo

"Atzerritarrak bezala gabiltza gure herrian"

2014-07-30
Ikas Euskal Pedagogia Zerbitzuko zuzendaria da Aines Dufau (Amikuze, Nafarroa Beherea, 1965). Euskarazko ikas-materialak sortzen aritzen da zerbitzu hori. Ipar Euskal Herriko hezkuntzan euskarak zer egoera duen egunero ikusten du, eta ez da baikor mintzo. Egoera "mendrea" ikusi du.
Iñaki Martinez de Luna, EHUko irakaslea. ©Raul Bogajo / Argazki Press

"Diskurtso berria behar du euskarak"

2014-07-29
Iñaki Martinez de Lunarekin zabaldu da sorta. Sektore gehiago nola erakarri euskarara, urruntzea nola saihestu, beste paradigma batera jauzi egiteko garaia heldu dela sinetsita dago Iñaki Martinez de Luna soziolinguista (Gasteiz, 1950). EHUko irakasle da, eta ikerketan daramatza urteak. Abertzale ez diren sektoreak nola hurbildu, muga nola gainditu, horrekin du kezka.

Publizitatea