Gure gaiak

Kataluniako prozesu indenpendentistaren kontrako epaiketa

Kataluniako prozesu indenpendentistaren kontrako epaiketa

Albisteak

Mariano Rajoy Espainiako Gobernuko presidente ohia Auzitegi Gorenean deklaratzen, atzo, atzean prozesu subiranistagatik akusatuta daudenak dituela. / EFE

Erantzukizuna besteena baita

2019-02-28
Rajoyk deklaratu du Generalitateak eragin zuela U-1eko indarkeria. Nabarmendu du Puigdemonti «argi» utzi ziola burujabetza ezin zela negoziatu. Egoera «salbuespenezkoa» zelako ezarri zuen 155.a

Artur Mas: "Ez nuen uste Espainiak hain adimen gutxirekin jokatuko zuenik"

2019-02-27
Erreferenduma prestatzeko bilerei buruz, eta Carles Puigdemont orduan Generalitateko buru zenarekin izandako bilerei buruz galetu diote Artur Mas presidente ohiari. Hark berretsi du azkenera arte Espainiarekin akordioa lortzen ahalegindu zirela, eta uste zutela hark Erresuma Batuak Eskoziarekin bezala jokatuko zuela.
Carme Forcadell Kataluniako Parlamentuko presidente kargugabetua, atzo, fiskalaren galderei erantzuten. / EFE

Erasora eginez defendatu dute beren burua

2019-02-27
Cuixartek eta Forcadellek oinarrizko eskubideak aldarrikatu dituzte. Omniumekoak esan du behar beste galdeketatara deituko dutela. Legebiltzarreko presidente ohiak ezbaian jarri du Konstituzionala.

Tarda: "Mendekuan oinarritutako epaiketa bat da hau"

2019-02-27
Katalanez egiteko eskubiderik ba ote zuen galdetu dio epaileari Joan Tarda ERCko diputatuak. Argi erantzun dio: "Ez". Herri mobilizazioa aldarrikatu du "ideia sozialak aurrera eramateko" tresna modura.
Romeva, Forcadell eta Cuixarten argazkiak. / ©Stephanie Lecocq, EFE

Presiopean egindako deklarazioak

2019-02-26
Instrukzio epaitegira eraman zutenean, bere helburu bakarra espetxetik ateratzea zela aitortu du Ciuxartek, eta orduan eginiko adierazpenak une hartako tentsioarekin lotu ditu.

"Ni ez naiz politiko presoa, preso politikoa naiz"

2019-02-26
Jordi Cuixartek hartu du hitza Espainiako Auzitegi Gorenean. Fiskalaren galderak erantzutea onartu du Omniumeko buruak, baina ez nolanahi, haren baieztapenak etengabe zalantzan jarriz baizik. Lehenik eta behin bere estatusa gogorarazi dio fiskaltzari, nabarmenduz bera ez dela preso dagoen politikaria, preso politikoa baizik, eta, beraz, ez duela parlamentuak onartutako legeei buruzko informazio zehatzik, ez behintzat beste edozein herritarrek baino gehiago.
Dolors Bassa kontseilari kargugabetua ,deklaratzen, atzo. / EFE

'Streaming'-ez ikusten ez dena

2019-02-21
Interneterako sarbidea duen edonork du epaiketa zuzenean ikusteko aukera. Baina emankizun horretako irudietan ezin da askoz ere gehiago ikusi deklarazioetatik haratago. Liturgiak, keinuak, hizketaldiak, jarrerak, mugimenduak, debekuak... Epaiketa aretoaren barruan egon da BERRIA.

Alegatu politikoa egin du Rullek

2019-02-20
Josep Rull Lurralde Antolaketarako kontseilari kargugabetuaren deklarazioa jarraitu du Igor Susaeta BERRIAko kazetariak.
Dolors Bassa:

Dolors Bassa: "Galdeketaren alde daude herritarren %80"

2019-02-20
Dolors Bassa Lan eta Gizarte Gaietarako kontseilari kargugabetuak deklaratu du Rullen ondoren. Haren hitzetan, Espainiako Estatuarekin adostasun batera heltzeko ekintza bat izan zen independentzia erreferenduma.
Kazetariak lanean, atzo, Auzitegi Gorenak hedabideentzako egokitutako aretoetako batean. / IGOR SUSAETA

Ez dute bat egiten balizko irtenbidean

2019-02-20
Akusatuei ezarritako behin-behineko kartzelaldia gehiegizkoa iruditzen zaie, oro har, nazioarteko kazetariei. Argi ikusten dute, gainera, subiranistek ez dutela indarkeriarik erabili. Auzia dela eta, ez dute aldaketarik baztertzen estatu egituran.
Manuel Marchena epaimahaiko burua Jordi Turull Kataluniako lider independentistari zuzentzen, atzo, Espainiako Auzitegi Gorenean. / EFE

Izaera baketsuaren defentsan

2019-02-20
Tentsio uneak izan dira Turullen eta fiskalaren artean. Auzipetuak defendatu du ez zutela bideratu diru publikorik galdeketara. Romevak epaimahaiari eskatu dio «karpeta katalana» politikara itzultzeko.

Herritarren manifestaziorako eskubidea defendatu du Rullek

2019-02-20
Kataluniako erreferendum egunean eta haren aurretik egon ziren manifestazioen inguruan galdetu dio fiskalak Josep Rull kontseilari ohiari, eta baita Espainiako Poliziaren aurkako erasoen berri ote zuen ere. Rullek, ordea, indarkeria mota guztiak gaitzesten dituela berretsi du eta defendatu du herritarren eskubidea dela protesta egitearena.
Antolatzaileen arabera, 500.000 herritar elkartu ziren Bartzelonan iragan larunbatean. / ALEJANDRO GARCIA

"Kaleak gureak izango dira beti"

2019-02-19
Kataluniako lider independentisten aurkako epaiketa pizgarritzat erabili dute herri erakunde subiranistek kaleko mobilizazioak berriz pizteko. Bartzelonako manifestazio handia etenik gabeko protestaren abiapuntutzat jarri dute.
<b>Carles Puigdemont eta Quim Torra, atzo, Bruselan.</b> / STEPHANIE LECOCQ / EFE

"Zentsura" jasan dute Bruselan

2019-02-19
Puigdemontek eta Torrak hotel batean eman dute hitzaldi bat, Europako Parlamentuan egitea debekatu dielako Tajanik. Turull eta Romeva gaur dira Gorenean deklaratzekoak.
Milaka lagun elkartu ziren atzo Bartzelonako kaleetan. / ALEJANDRO GARCIA / EFE

Amore emateko asmorik gabe

2019-02-17
Dozenaka mila pertsona atera dira kalera Bartzelonan, epaiketaren aurka protesta egiteko eta autodeterminazio eskubidea aldarrikatzeko. Torrak "askatasunaz" hitz egitera deitu du Madril.
<b>Mahai baten bueltan.</b> Carla Vall zuzenbide penaleko abokatua, David Minoves politologoa eta Jaume Marfany filologoa, aste honetan, Bartzelonan. / CARME PORTA

Prozesuaren prozesuaz

2019-02-17
Kataluniako prozesu independentistaren ondorioez, errelatoez, irakurketez eta erronkez mintzatzeko, prozesuaren muina bertatik bertara ezagutzen duten hiru solaskide elkartu ditu BERRIAk: Carla Vall, Jaume Marfany eta David Minoves.
<b>Ikusmina. </b>2017ko irailean, Kataluniako egoerari buruz eginiko hitzaldira sartu ezinik geratu zen jende ugari. / MADRILEÑOS POR EL DERECHO A DECIDIR

Elkartasuna etsaiaren etxetik

2019-02-17
Madrilen bizi diren hainbat herritarrek elkarretaratzeak egin dituzte egunotan preso politikoei elkartasuna adierazteko. Madrildarrak Erabakitze Eskubidearen Alde plataforma dago mugimendu horren atzean. Pedagogia ere egin nahi dute.
Javier Zaragoza fiskala hizketan, Auzitegi Gorenean, atzoko saioan. / EFE

Auzibidearen defentsa politikoa

2019-02-14
Buruzagi independentista katalanen aurkako prozeduraren izaera politikoa ukatu dute akusazioek. Fiskalek argudiatu dute «soilik Espainiari» dagokiola burujabetza; garaipentzat jo dute epaiketa bera
Arriaga antzokiaren aurrean salatu zuten hainbatek Madrilen hasitako epaiketa. / MARISOL RAMIREZ / FOKU

Babesa eta salaketa

2019-02-13
Madrilgo epaiketak erantzuna izan du kalean. Katalunian, errepideak itxi eta mobilizazio jendetsuak egin dituzte. Euskal Herrian, GEDek eta ANCk elkarretaratzeak egin dituzte.
Auzipetuen aldeko mobilizazioa bat, <em>Erabakitzea ez da delitua</em> lelopean, atzo, Madrilen. Pankartari eusten daude Torra —eskuinetik bosgarrena— eta Torrent —eskuinetik seigarrena—. / RODRIGO JIMENEZ / EFE

Izaera bat nozitzeko neurriak

2019-02-13
"Segurtasuna" bermatze aldera, Polizia operatibo itogarria ezarri du Espainiako Estatuak Auzitegi Gorenaren inguruan. Horrek akusatuen senideei, Kataluniako zein Euskal Herriko ordezkari politiko independentistei, kazetariei, eta herritarrei eragin die. Gertatutakoa salatu dute alde guztiek.
Auzitegi Goreneko aretoa, atzo, epaiketa hasi aurretik. Ezkerrean, akusazioa; eskuinean, berriz, hamabi auzipetuak. Akusatuen parean dago epaimahaia. / EMILIO NARANJO / EFE

Eskubideen aldeko alegatua

2019-02-13
Hasi da Kataluniako buruzagi subiranisten aurkako epaiketa, Madrilen. Defentsako abokatuek salatu dute auzipetuen oinarrizko eskubideak urratu direla, eta epaiketa atzeratzeko eskatu dute. Ikusi defentsaren bideoa, amaieran.
Gaurtik aurrera, Kataluniako buruzagi independentistak Espainiako Auzitegi Gorenean epaituko dituzte. Irudian agertzen den aretoan egingo dituzte ahozko saioak. / ANGEL DIAZ / EFE

Xantaiak baldintzatua

2019-02-12
Panorama politiko ezin nahasiagoarekin hasiko da gaur buruzagi independentisten aurkako epaiketa. Subiranistak estu hartzeko, Sanchezek ez du baztertzen bozak apirilaren 14ra aurreratzea.
Auzitegi Goreneko ateraino joan dira hainbat espainiarzale. ANCk Recoletos kalean egin behar izan du elkarretaratzea.zn ©Chema Moya, EFE.

Tentsioa eragin dute espainiar nazionalistek auzitegiaren kanpoaldean

2019-02-12
Espainiar banderekin auzitegira hurbildu, eta katalanei irain egin die talde batek. Falange Espainolaren ikurren bat ere ikus zitekeen tartean. 07:30 inguruan atera dituzte Alcala-Mecotik (Madril) Dolors Bassa eta Carme Forcadell, eta 08:00etan iritsi dira Gorenera. 08:40 aldera heldu dira gizonezko auzipetuak.
Kataluniako prozesu subiranistaren aldeko elkarretaratzea, gaur, Iruñeko udaletxearen parean. ©Iñigo Uriz, Foku

Euskal Herritik ere, elkartasuna Madrilera

2019-02-12
Besteak beste, Gure Esku Dago-ko kideak izan dira ANCk deitutako elkarretaratzean. Eusko Legebiltzarraren ordezkaritza bat ere izango da epaiketa jarraitzen.
Quim Torra Generalitateko presidentea, atzo, kazetarien galderak erantzuten, Soto del Realen, Madrilen. / JUAN CARLOS HIDALGO / EFE

Talkaren abiapuntua

2019-02-10
Sanchezek adierazi du «sekula» ez dutela onartuko autodeterminazioa. Torrak «ausardia» eskatu dio autodeterminazio eskubideaz hitz egin eta negoziatzeko.

Publizitatea