Negarra zugan ihintza bezala Guggenheim eta Urdaibai

2023ko irailaren 21a

162 hitz

Albistea entzun Albistea pausatu

Negarra zugan ihintza bezala Guggenheim eta Urdaibai — Urdaibaiko padurak. Muruetako ontziola. Han egin nahi dute Guggenheim museoa hedatzeko egoitzetako bat. RAUL BOGAJO / FOKU

00:00 /

Aitor Etxebarriazarraga bertsolari bizkaitarrak Bilboko Guggenheim museoa Urdaibaira hedatzeko proiektuari buruz egin ditu bertsoak.
Gernika-Lumon jaio zen Etxebarriazarraga, 1993an. Fisikaria da, eta irakasle aritzen da Lilibertso bertso eskolan. 2018an parte hartu zuen lehenengoz Bizkaiko Bertsolari Txapelketan, eta, 2021ean, finalista izan zen. 2022ko txapelketa nagusian, finalaurrekoetara iritsi zen.

Jaio orduko lehen arnasa eman zidan biosferacloseLurraren geruza, izaki bizidunen kokalekua dena.
k
herrian hasi ta itsasora luzatzen ziren osterak
paduracloseItsasertzeko zingira.
horren erdigunetik oroitzen nabil bezperak,
biotz guzia banatutzen zait, alango gauza triste bat.

Munduan leku gutxi egongo da zu baino museoago
baina hala ere baten bat zutaz aberastekotan dago.
Eskerrak elkar ukitzen garen erretratutik harago
zu ikusiak konsolatu nau, triste neguen lenago.

Guggenheimaren bina museo Muruetan ta Gernikan,
(euskal) kultura babestu ezinik zebiltzatenak praktikan
sartuko omen dute herria bestelako dinamikan
agian izan laiteke bañon ez det sinesten danikan.

Mokozabalak eskualdean gelditzen du hegaldia
gune babestu baten hartzeko jana eta edaria,
gurean bada mokozabal bat aski harrapakaria
zu ziñaden arbola artantxen egingo luke kabia.

Erdiguneak turistentzako ez zuen nahiko balio
orain barruak ere saltzea komeni zaigula dio,
baina herriak ez ditu behar horrenbeste gomendio
beti negarra dariokela zu zeralako medio.

Biosfera bat sakrifikatu emateko mundu bira
printzipioak aldatzen dira beltzetik eta zurira,
gure arima saldua doa odolgaltzen Kantaurira
ori gertatu baño lenago izazu nitaz kupira.

Doinua: Loriak udan intza bezala.