Lagun eta senideen ongietorria jaso du Intza Oxandabaratzek

Intza Oxandabaratz presoa behin-behinean aske gelditu zen ostiral gauean. Askatasunak jakinarazi duenez, gauerdian irten zen Fleury-Merogiseko presondegitik (Frantzia). Atzo arratsaldean lehen ongietorria egin zioten lagun eta senideek, Donibane Garazin. Joan den abenduan atxilotu zuten, Julen Mujikarekin batera, Donibane Garazin. 2009. urteko abuztuan Herault departamenduko Minerve herrian aurkitutako ETAren zulo batekin lotura izatea egotzi zieten.