Aktualitatea
Motzean
Zuzenekoak
Erreportajeak
Bideo gehiago
Bertso laburpena | Martxoak 29

Bertso laburpena | Txaber Altube | Martxoak 29

24. Korrika bideoak

Atharratzetik Bilbora edo

Turtziostik Tafallara

Euskal Herria kurritzen duen

Inurri-sarea gara

Hamaika dema biltzen dituen

Eskuz eskuko ilara

Izan dadila aldarri-gune

Orain arteko erara

Euskarak behar baitu borroka

Eta borrokak euskara

Bertso laburpena | Martxoak 27

Bertso laburpena | Eli Zaldua | Martxoak 27

24. Korrika bideoak

Doinua: Lumak ezin nindezakeen

Gasteizera heldu zaigu Trebiñutik etorrita.
Nahiz urtean zehar egon gaztelera ezarrita,

gaur euskarak bete ditu hiriko hainbat karrika, bihar jarraitu dezagun orroka eta harrika! Nahiz inportanteak diren gogoa eta irrika,

nondik abiatzen gara, zer nahi dugu aldarrika? Eta zein norabidetan egin nahi dugu korrika?

Bertso laburpena | Martxoak 26

Bertso laburpena | Aitor Etxebarriazarraga | Martxoak 26

24. Korrika bideoak

Doinua: Gaur udaberri bat dabil 

 

Geldiezinak direnez
burugogorren taupadak
eskuz esku pasa ditu
aldapak eta lautadak.
Bidean gainditu asmoz
oldarraldi eta trabak
beharrezkoak ditugu
emozio betekadak.
Herri libre bat izan nahi
dugu euskalduna erabat
euskaraz bizitzea ez
dadin izan epika bat. (bis)

 

Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.
Egin zure ekarpena