Julen Etxeberria Donostia 2026ko martxoaren 9a 18:45 Agur bikaina emango diote BERRIA Txapelketari. BERRIAk eta Oriamendik azken aldiz antolatu dute txapelketa. Inoiz baino bikote gehiagok jokatuko dute, zortzik, aurreko ekitaldietan baino bi gehiagok. Berriak izango dira bikote guztiak, erremontista gazteez gain Lehen Mailakoak ere ariko baitira.
Ibai Maruri Bilbao 2026ko martxoaren 9a 18:05 Bermeoko merkataritza portuan %24 handitu da trafikoa urtebetean. Iazko apiriletik Eusko Jaurlaritzak kudeatzen du.
June Montero Viguera Bilbo 2026ko martxoaren 9a 17:00 15 eta 17 urte arteko mutilen %42k uste dute berdintasun politikak «urrunegi» heldu direla. Haurren eta Nerabeen Behatokia eta Gazteen Behatokia bateratu ditu Eusko Jaurlaritzak. Txosten bat argitaratu dute 25 urtean nerabeei egindako inkestak alderatu eta eguneratzeko.
Irune Lasa - Jokin Sagarzazu 2026ko martxoaren 9a 16:40 Petrolio erreserbak bere horretan utzi ditu G7ak, eta upela ehun dolarren bueltan dago oraindik. Frantziak esan du oraindik ez dela iritsi erreserbako upelak saltzeko garaia. Bart gauean Brent petrolio upela ia 120 dolarretara iritsi da, eta inflazioaren inguruko beldurrak merkatuak aztoratu ditu.
Edurne Begiristain 2026ko martxoaren 9a 16:34 Arabako Foru Aldundiko langileek protestak eta lanuzteak egingo dituzte lan baldintzak direla eta. Galdutako erosahalmena berreskuratzea eta enplegu baldintzak eguneratzea dute helburu. Bi orduko lanuzteetara deitu dute apirilaren 15erako eta 22rako, baita maiatzaren 6rako ere.
Joxerra Senar 2026ko martxoaren 9a 16:34 2008tik hazkunde ekonomikoa enpresek profitatu dutela ondorioztatu du ELAk. Sindikatuaren azterketa baten arabera, Hego Euskal Herrian soldata errealak %2,9 besterik ez dira igo azken hamazazpi urteetan. Ondorio nagusietako bat da enpresek etekinak lortzeko gaitasuna bi halakotu egin dela iragan hamarkadan.
Beñat Mujika Telleria 2026ko martxoaren 9a 16:24 Ezkerra indartuta atera da Kolonbiako Legebiltzarreko bozetatik. Itun Historikoa alderdia izango da lehen indarra Senatuan, eta duela lau urte baino bost eserleku gehiago izango ditu. Uribismoa laugarren indarra izatetik bigarrena izatera igaro da goi ganberan.
Ekhi Erremundegi Beloki 2026ko martxoaren 9a 16:22 162 hautagaik erantzun dute instituzio bilakaerari buruz. Batera-k galdera egin die estatus bereziko lurralde elkargo baten alde diren ala ez. Galdetu du hautetsiek tokian-tokian gaia bultzatu eta hausnarketan parte har dezaten.
Ibai Maruri Bilbao Bilbo 2026ko martxoaren 9a 16:20 Hamar bizkaitarretik zortzik uste dute itsasadarreko tunelak trafikoa arintzen lagunduko duela. Bizkaiko bide sarearen kalitateari buruzko inkestan, herritarrek 7,74ko nota ipini diete diputazioak kudeatzen dituen errepideei. Herenek auto pilaketak sufritzen dituzte egunero.
Kepa Ugarte Martiarena Bilbo 2026ko martxoaren 9a 16:15 Akusatuek «marikoi zikina» oihu artean jipoitu zutela berretsi du Ekain Perrinok. Bizkaiko Probintzia Auzitegiak 11 pertsonaren aurkako epaiketa hasi du gaur, 2021eko ekainaren 6ko gauean Basaurin gertatutako eraso homofoboaren harira. Hiru urteko espetxe zigorra eskatzen dute bakoitzarentzat.
Miren Mujika Telleria Donostia 2026ko martxoaren 9a 16:10 Abian dira Donostiako Txara I zentroa eraberritzeko lanak. Lanen helburua da erabiltzaileak «etxean bezala» sentitzea eta zaintza beharra duen nornahik kalitatezko arreta jaso ahal izatea. Egoitza bi urte barru izango da erabiltzeko moduan.
Paulo Ostolaza 2026ko martxoaren 9a 15:15 Iruñeko Udalak laurehun etxebizitza eraikiko ditu NUPen inguruan. Erdiak babes ofizialekoak izango dira, eta parke bat ere egingo dute Sadar ibaiaren inguruan. Asteon jarriko dute martxan herritarrek parte hartzeko prozesu bat.
Julen Urrestarazu 2026ko martxoaren 9a 15:10 Bi gizon atxilotu dituzte Gasteizen, indarkeria matxista egotzita. Bikotekideari eraso egitea eta hura iraintzea egotzita atxilotu dute gizonetako bat, eta bestea, bi emakumeri ukituak egitea leporatuta.
Igor Baigorri Perez 2026ko martxoaren 9a 14:45 Macronek iragarri du «inoiz ez bezalako itsas mobilizazio bat» egingo dutela Ormuzko itsasartean. Frantziako presidentearen arabera, Europako herrialdeek «ahal bezain laster» bidaliko dituzte itsasoko indarrak Ekialde Hurbilera. Ankarak esan du Irandik jaurtitako beste misil bat atzeman duela.
Igor Susaeta 2026ko martxoaren 9a 14:29 Errepresioaren erantzuleetako bat. Irango lider goren izendatu dute Mojtaba Khamenei. Aitaren tokia hartuko du. Itzalean aritu da azken 30 urteotan, baina manifestariek jomugan jarri izan dute.
Ramon Olasagasti Zarautz 2026ko martxoaren 9a 14:15 Mundu mailako Klimb Masters Euskadi Basque Country proba egingo da asteburu honetan Zarautzen. Ehundik gora eskalatzaile lehiatuko dira Hori Tsukuru eta Sergio Verdasco mundu mailako ekipatzaileek prestatutako blokeetan. Nazioarteko onenak eta amateurrak elkarrekin ariko dira.
Iratxe Muxika Karrion 2026ko martxoaren 9a 13:40 EH Bilduk salatu du «astakeria» dela hogei urteren ondotik AHTa nondik pasatuko den ez jakitea. Maddalen Iriartek erabakiak har ditzatela eskatu du, eta Espainiako Gobernuari erran dio ez dagoela «inori kudeaketa leziorik» emateko moduan. Bide batez, uste du Mendoza «ausartegi» solastatu zela.
Urtzi Urkizu 2026ko martxoaren 9a 13:30 Austriako telebista publikoko zuzendariak kargua utzi du, sexu eraso baten salaketaren ostean. Telebistako langile batek egin du salaketa Roland Weissmanen aurka. Hedabide publikoak ikerketa bat abiarazi du.
Isabel Jaurena 2026ko martxoaren 9a 13:20 Martxoaren 8tik harago antolatzeko deia. Milaka lagun atera ziren atzo kalera, Euskal Herriko Mugimendu Feministak eta Itaiak deitutako mobilizazioetan. Guztiek beharrezkotzat jo dute eguneroko praktikan borrokatzen jarraitzea.
Jokin Sagarzazu 2026ko martxoaren 9a 13:15 Taxilariek iragarri dute mobilizazioak egingo dituztela Uberren eta Cabifyren aurka. Martxoaren 26an egingo dute protesta, Donostian, plataformen «intrusismoa» salatzeko eta «araudia bete dezatela» eskatzeko.
Joxerra Senar 2026ko martxoaren 9a 11:39 EH Bildu inperialismoaren aurka eta bakearen alde ariko da apirilaren 5ean, Aberri Egunean. Iruñean ospatuko du Aberri Eguna, 'Zazpiak bat egin' lelopean. Manifestazio nagusia 12:00etan abiatuko da, Golem zinema aretoetatik Antoniuttira.
Maddi Iztueta Olano 2026ko martxoaren 9a 11:20 Saharako errefuxiatuen kanpalekuetarako 60 tona janari baino gehiago bilduta, larunbatean irtengo dira karabanak. Donostian bakarrik, hamahiru tona janari eta konpresaz betetako lau palet bildu dituzte. Gipuzkoa osoan, berriz, 50 tona janari.
Jokin Sagarzazu 2026ko martxoaren 9a 11:11 Tubos Reunidoseko langileek Bilboren erdigunea itxi dute. Gaur amaituko da erregulazio espedientea negoziatzeko epea: 301 langile kaleratu nahi ditu zuzendaritzak.
Edurne Begiristain 2026ko martxoaren 9a 11:00 Trebiñu Araban sartzearen aldeko sinadurak bilduko dituzte enklabean. Enklabea Araban integratzeko mahaiak abiatu du ekinbidea. Trebiñuko herritarrek idazki bat jasoko dute buzoietan, eta haren bitartez sinatu ahal izango dute. Dagoeneko 35 administrazio batzarren atxikimendua jaso du mahaiak.
Jone Bastida Alzuru 2026ko martxoaren 9a 10:05 Egoitz Bijueska skaterrak Munduko Txapelketa irabazi du. Brasilen jokatu da lehiaketa, Sao Paulon, eta 15 urteko bilbotarrak urrezko domina kolkoratu du parkeko modalitatean, lan bikaina eginda.
June Montero Viguera 2026ko martxoaren 9a 05:00 Autotunearekin bertsotan. Gaur abiatuko da Loraldia jaialdia, Bilbon, 'Hezur berriak' bertso saio literarioarekin, eta ‘Itzali eta piztu’ bertso saio musikatua egingo dute bihar. Bertsolaritza eta musika elektronikoa uztartzen ditu emanaldi horrek. BERRIA da babeslea.
Olaia L. Garaialde Iruñea 2026ko martxoaren 9a 05:00 «Sorgintzat zeuzkatenek komunitateko ordena hausten zuten». Leire San Martinek sorgin ehizak Nafarroan izandako ibilbidea aztertu du, eta ‘Sorgin ehiza Iruñean’ liburuan jaso ditu hiriburuan gertatutakoari buruz hausnartutakoak.
Paulo Ostolaza 2026ko martxoaren 8a 20:20 Finalean dira Altuna III.a eta Ezkurdia. Arbizukoak erakustaldia egin du, eta 22-15 irabazi diete Lasori eta Albisuri. Datorren astean erabakiko da noren aurka jokatuko duten finala: gaurko aurkari berberen kontra, edo Elordi eta Zabaletaren kontra.
