Naziogintza eta estatugintza

Komunitatea eratzeko, funtsezkoa izaten da kultura; hala izan da Euskal Herrian ere. Estaturik ezean, herri mugimenduetatik bultzatu da, erakundeetan eraginez, baina estatu egiturak beharrezko direla diote adituek.

Estatu berriaren bideragarritasun ekonomikoa. Hori da burujabetza prozesuetako eztabaiden erdigunean dagoen gaietako bat. Euskal Herria bideragarria den, ez; norabide horretan zer egin daitekeen. Horra gakoa.

Euskal Herrian naziotasun sentimendu ezberdinak biltzen dira. Nagusiak: euskalduna, espainiarra eta frantziarra. Eta immigrazioak eragindako aniztasuna gehitu behar zaio horri. Nola kudeatu hori guztia?

Independentziaren laugarren olatua omen da gaur egungoa. Urtea bukatu baino lehen, beren etorkizunaren inguruan erabakitzeko garaia dute bi herrik. Eskoziak irailaren 18an galdetuko die herritarrei Erresuma Batuan jarraitu edo estatu propioa osatu nahi duten. Eta Kataluniak azaroaren 9rako antolatu du independentziari buruzko galdeketa. Euskal Herria olatu horretan bere burua kokatu nahian ari da. Horren seinale da Gure Esku Dago plataformak erabakitzeko eskubidearen alde abiatutako egitasmoaren arrakasta.