Gure gaiak

Ahomentan

Ahomentan

Gai komun bat helduleku jarrita, bi pertsona elkartu eta elkarrizketa luzeak argitaratu ditu BERRIAk igandero. Horien bilduma da hau.

Albisteak

June Crespok eta Esther Ferrerrek ez zuten elkar ezagutzen. Argazkian, joan den asteartean, Donostian. / ARGAZKIAK: ANDONI CANELLADA / ARGAZKI PRESS

Ororen gainetik, sormena

2015-08-30
Objektuak birkontestualizatuta plazera hartzen duen artista gaztea, eta ideiak gorputzaren erabilerarekin gauzatzen dituen performer prestigiotsua. Kontzienteki edo inkontzienteki, egunerokoak elikatzen du haien egitekoa, eta haien jardunean betebehar bakarra daukatela diote: desirak agindutakoa errespetatzea.
Petra Elser, Banaiz Bagara elkarteko zuzendaria, eta Silvia Carrizo, Malen Etxeko presidentea, Zumaian. / ARGAZKIAK: GORKA RUBIO / ARGAZKI PRESS

Joaneko txartel bat Plutonera

2015-08-23
Kontinenteen arteko muga fisikoa baino gehiago da Mediterraneoa; eta Europa, oso gutxik eskuratzen duten ideal bat. Petra Elser eta Silvia Carrizo: emigrante sorterrian, immigrante atzerrian; bi azal larru bakarrean. Bi begirada, migrazioen fenomenoan barrurago joateko.
Julen Kalzada eta Jose Mari Esparzarekin, memoria historikoaz. ©Jagoba Manterola / Argazki Press

Orainaldiaren iraganetik

2015-08-17
Mahats aleak nola, memoria hala: alez ale hartu, zukutu, mamurtu eta irentsi. Ardo txarrak nola, ahanzturak hala: zurrutadaz zurrutada barrenak ozpindu. Julen Kalzadak nola, Joxe Mari Esparzak hala: iraganaren orainaldia aldarrikatu.
Paula Kasares eta Ricardo Feliu, elkarrizketarako erabili dituzten mapei begira, Iruñeko Gazteluko plazan. / ARGAZKIAK: IÑIGO URIZ / ARGAZKI PRESS

Aldaketez hausnarrean

2015-08-09
Aldaketa politikoaren urtea da aurtengoa Nafarroan. Gizartea, ordea, dinamikoa da, eta azken urteetan izan dira aldaketa gehiago beste arlo batzuetan. Horiek kolorez margotu eta ñabardurak egiteko elkartu dira Paula Kasares eta Ricardo Feliu, erretratugile.
Maddi Oihenart eta Maite Larburu, basoan, Itsasun. / ARGAZKIAK: BOB EDME

Grazian haziak

2015-08-02
Belaunaldiak eta inguruneak bereizten duena kanturako senak ezkontzen du. Berantiar izanik ere jendaurreko emarian, kantua dute «oso barrenekoa den» zerbait horren transmisio lanabesa; kantuak ditu osatzen, asetzen eta batzen.
 / ARGAZKIAK: LUIS JAUREGIALTZO / ARGAZKI PRESS

Humoris causa

2015-07-26
Egia da heziketa ez dela txantxetako gauza. Irribarre batek bizitzako ikasgai latzenak ere goza ditzakeela beste. Joxe Mari Agirretxe 'Porrotx'-ek bizibide bihurtua du irri gozoa. Iñaki Goirizelaiak irauteko erabili izan du, besteak beste. Eguneroko lezioez, etorkizunerako irakaspenez aritu dira biak. Heziketaren eta umorearen amoreagatik.
Frantxua Maitia eta Jakes Bortairu, Errobi bazterrean. / ARGAZKIAK: NORA ARBELBIDE LETE/ ISABELLE MIQUELESTORENA

Bi politikari, bi bide

2015-07-19
Bata, herrigintzatik; bestea, hautetsi karguetatik. Biak dira Ipar Euskal Herriko politikagintzako protagonista. Biek adin berdintsua dute, eta biak gaztetatik dira politikoki engaiatu, baina biek, gogoeta ezberdinak sakonduz, arras desberdinki bizi izan dute eta bizi dute beren engaiamendua.
Xabier Erro, Martin Zabaleta eta Felipe Uriarte. / JUAN CARLOS RUIZ / ARGAZKI PRESS

Ertzetako gogoetak

2015-07-12
Martin Zabaletak zapaldu zuen tontorra, baina hirurak izan ziren 1980an Everesteraino igo zen euskal espedizioko kide. Geroztik, mila zidor, ertz eta tontor pasatu dituzte, kontinente guztietan. Mendizale nekaezinak eta mendi gidariak. Patuak elkartu ditu, berriro, solasaldi lasai batean.
Amaia Lasa Alegria eta Danele Sarriugarte Mochales, Getariako kaleetan (Gipuzkoa). ©Jon Urbe / Argazki Press

Katu jendea

2015-07-05
Nobela baterako trama: noiz edo noiz Euskal Herritik ihes egiteko behar saihetsezina sentitu duten bi idazlek topo egiten dute Getariako portuan. Edo Portoko ibai bazterrean. Feministak dira biak ala biak. Amaia Lasa eta Danele Sarriugarte. Elkarren bila. Elkarrekin sortzen.

Publizitatea