Hezkuntza bidegurutzean

LOMLOE legea indarrean sartu berri da Hego Euskal Herrian, eta Eusko Legebiltzarrean ere urruti gabe garatuko dute Hezkuntza Legea berritzeko eztabaida, Eusko Jaurlaritzak landutako Hezkuntza Akordioa oinarri hartuta. Hori ikusita, BERRIAk iritzi bilketa bat egingo du hezkuntzako eragileen artean, Euskal Herri osoaren ikuspegia hartuta, erronka hurbil honen aurrean bakoitzaren posizioak azaldu eta hezkuntzak eta eskolak zer indargune eta zer behar dituzten, eta zer bide hartu behar luketen azaltzen saiatzeko.