Euskal Herriak behar zuen atlasa

«Mapa zuk zeuk egin ezean, egin egingo dizute», esan zuen Jose Mari Esparza idazleak (Tafalla, Nafarroa, 1951), Imago Vasconiae. Euskal Herria: kartografia historikoaren atlasa liburuaren aurkezpenean. Haren ustez, Txalaparta argitaletxearekin batera argitaratu berri duten lana ezinbestekoa da «herria eratzekocloseAntolatzeko.
», Euskal Herria historian nola irudikatu duten erakusten baitu. Izan ere, hirurehun mapa jasotzen dituen obra hori Euskal Herriko lehen atlas kartografikoa da. Egileak, Esparza bera eta Ramon Oleaga (Bilbo, 1958), «oso-oso harro» azaldu dira egindako lanaz.

Mapak «botere tresnak» izan direla ziurtatu du Oleagak: «Mapak ez dira hutsalak; oso inportanteak dira identitatecloseNortasun.
ak eraikitzeko orduan». Horretan datza obra honen garrantzia, autoreen ustez. Aurkezpenean adierazi dutenez, Euskal Herriari falta zitzaion kartografia lan osagarri bat. Behar horri erantzuteko osatu dute Imago Vasconiae.

«Mapak ez dira hutsalak; oso inportanteak dira identitateak eraikitzeko orduan».

Ramon Oleaga ('Imago Vasconiae. Euskal Herria: kartografia historikoaren atlasa' liburuaren egilea)

«Humboldtek esan zuen bezala, ehun izenen herria gara tamalez», azaldu du Esparzak, Euskal Herriak urteetan izan dituen izen ugariengatik. Horrez gain, azalpen sakonagoa eman du Nafarroak historian izan duen izen diferenteen inguruan, eta zera aipatu du: «Nafarra izanda, bereziki kontent nago, Nafarroan arazo handi bat daukagulako lurraldetasunari dagokionez». Ikerlariak uste du lan hau baliagarria izango dela lurraldeak izan dituen aldaketak ikasten jarraitzeko: «Euskal Herriak atlas bakar bat izango du gaurtik aurrera, eta atlas horrek Baskoniak historian izan duen bilakaera ulertzen lagunduko digu».

«Euskal Herriak atlas bakar bat izango du gaurtik aurrera, eta atlas horrek Baskoniak historian izan duen bilakaera ulertzen lagunduko digu».

Jose Maria Esparza ('Imago Vasconiae. Euskal Herria: kartografia historikoaren atlasa' liburuaren egilea)

Txalaparta argitaletxeak argitaratu du liburuaren diptikoacloseErditik tolesturiko orria, bi zati dituena eta zerbaiti buruzko argibideak jasotzen dituena.
: «Lurralde jakin batean bizi den munduko edozein herrik, naziok, estatuk edo erkidegok ospakizun handia du bere kartografia historikoa biltzen duen atlas bat lehen aldiz plazaratzea. Guk, ordea, Europako herririk zaharrenetako batek, artean ez genuen atlasik». Horretan arrazoitu dute lanaren garrantzia. Lana amaituta, proiektuan parte hartu eta lagundu duten guztiei eskerrak eman dizkiete.

Jaso duten maparik zaharrena Abaunzko (Ultzama, Nafarroa) mapa da, duela 13.000 urte baino gehiago harrian eginikoa.

Imago Vasconiae lana hiru kiloko «liburukote» —modu horretan deskribatu du Oleagak— bat da, eta bertan aurki daitezke euskal herritarrek zein kanpotarrek egindako mapak, bakoitza azalpen batekin, lau hizkuntzatan: euskaraz, gaztelaniaz, frantsesez eta ingelesez. Jatorrizko hirurehun mapa horiek munduan zehar sakabanatuta daude: Moskun, Buenos Airesen, Habanan eta Londresen, besteak beste. Jaso duten maparik zaharrena Abaunzko (Ultzama, Nafarroa) mapa da, duela 13.000 urte baino gehiago harrian eginikoa.

Liburuak 440 orri ditu liburuak, eta bi eratan eros daiteke: estutxecloseKutxatila.
arekin eta estutxe barik. Lehenengoak 250 euro balio du; bigarrenak, 215. Liburuaren xehetasun gehiago ezagutarazteko, imagovasconiae.eus webgunea sortu dute.