BIZKAIA BIZKAIAREN AURKA

Kanaria Handia garaiz iritsi zen Bilbora, baina jantzi eta kirol oinetakoak ez, aire kontrolatzaileen arazoaren erruz. Bilbo Basketek bigarren arropak utzi zizkion, eta Bizkaia Bizkaiaren aurka aritu zen Miribillan -irudian, Xavi Rey Kanaria Handikoa eta Aaron Jackson Bilbo Basketekoa-. Etxekoak beltzez, kanpokoak zuriz. Kanaria Handiko Pedro Martinez entrenatzaileak bizkaitarren jarrera eta prestasuna eskertu zituen ondoren, baina askorentzat justuagoa izango zen garaipena oparitzea, lore horiek botatzea baino.