Naturaren orekari buruzko ikuskizun musikatua da Urtxintxa eskolaren ‘Patxintxiketan, urtaroen bidaia’. Abesti tradizionalei hitzak moldatu dizkiete, gaur egungo balioetara egokitzeko.

Ez da edonolakoa Makusiko Mari sorgin ehiztari telesaileko protagonistaren aurkezpen txartela: «16 urte ditut, eta bost ikastetxetatik bota naute», esaten du trailerrean. Nerea Sanzek jokatzen du haren rola (Larrabetzu, Bizkaia, 2002); telebistako lehen lana izan du protagonista gisa; pasioz hitz egin du antzerkiaz.

Liga hirugarrenez irabaztea lortu du Donostiako Txuri-Urdin izotz-hockey taldeak. Majadahondari azken partidan irabazita lortu zuten garaikurra.Bertako jokalaria da Eva Aizpurua (Donostia, 2005). Jokatzeko baldintzak aurka izan arren, taldeak eta kirolarekiko pasioak laguntzen dio aurrera jarraitzen.

Potx eta Lotx pailazoei ezusteko festa bat prestatu diete adiskideek azken ikuskizunean: ‘Lagunekin topa’. Orain arteko ibilbidean ezagututako lagunekin egingo dute topo, eta hamaika abentura izango dituzte.