Abuztuan, oporrak hartzen ditu MANTANGORRIk, ikasturte berriari gogotsu ekin aurretik atseden hartzeko. Dena den, albisteen emariak ez du etenik, eta, hortaz, gaurkotasunaren haria ez galtzeko, udan gertatutakoak bildu eta azaleratu nahi ditu haurren gehigarriko ikasturteko lehen zenbakiak.

Uztailaren 26tik abuztuaren 11ra jokatuko dira Olinpiar Jokoak, Parisen. Duela hiru urte Tokion jokatu zirenak ikuslerik gabe eta murrizketa askorekin jokatu zituzten, baina oraingo horiek ez dute murrizketarik izango. 206 herrialdek parte hartuko dute: besteak beste, 42 euskal kirolarik.

Ateak ireki ditu Asteasuko Bulano baserriak, Ongi etorri baserrira egitasmoaren barruan. Baserriko lanak ezagutarazi dituzte, baserriaren eta hiriaren arteko zubiak eraikitzeko asmoz.

Pirinioetako Itzulia eta Espainiako Txapelketako errepideko proba irabazi berri ditu Usoa Ostolaza txirrindulariak (Zarautz, Gipuzkoa, 1998). Esan duen arren ez zuela espero, argi utzi du egindako lanaren emaitza dela hori guztia. Datorren astetik aurrera Italiako Giroan izango da; abuztuan, berriz, Frantziako Tourrean. 

Bat, bat, bat, bart parrandan ibili» dio Oskorriren Ixil-ixilik abestiak. Eta lau bateko ditu Mantangorriren aste honetako zenbakiak: 1.111. Kapikua da zenbakia, hau da, ezkerretik eskuinera eta eskuinetik ezkerrera berdin irakurtzen da. Halako bitxikeria ugari sortzen dira hizki eta zenbakiekin, jolas egiteko balio dute, eta hizkuntza eta matematikak dibertigarri bilakatzen dira hala. Horietako batzuk ezagutzera gonbidatu nahi zaituztete gaurko Mantangorrik.

Hainbat hilabetez Txondorraren Bueltan egitasmoan buru-belarri aritu ostean, larunbatean piztu zuten txondorra, Oñatin. Ikazkintzatik bizi izandakoen lanari aitortza egitea eta antzinako jakintza transmititzea da helburua.