Gure gaiak

Korsikako egoera politikoa

Korsikako egoera politikoa

Korsikako Nazioa Askatzeko Mugimenduak iragarri du armak utziko dituela, irlan lortutako adostasun politikoei bultzada emateko. BERRIA Korsikan izan da, eta bertako egoera politikoa aztertu du hainbat eragile politiko eta akademikorekin.

Albisteak

Ezkerrean, François Hollande Frantziako presidentea. Eskuinean, Korsikako bandera. / ANDY RAIN / EFE

Aurrez aurre dute Matignon

2014-07-16
Korsikako egoera politikoa, analisten begietatik. Alderdiek eta FLNCk mugimenduak egin dituzte jokaleku politikoan, baina arrokatuta dago Paris. Aditu ugariren iritziak bildu ditu BERRIAk, partida nondik datorren eta nora doan aztertzeko.

Hizkuntza gaztetu nahian

2014-07-10
Korsikeraren koofizialtasuna eztabaida politikoaren ardatzetako bat da irlan, Ajacciok ezezkoa jaso duelako Paristik. Nolanahi ere, jada badituzten eskumenetatik abiatuz, hizkuntza suspertzeko lanean ari dira.
FLNCkoak prentsaurreko bat ematen 1997ko otsailean, Traloncan. / PIERRE MURATI

"Erresistentzia" fasetik politikara

2014-07-09
1976an jaio zen Korsikako Nazioa Askatzeko Frontea, garai hartako testuinguruan. Estrategia armatua baztertuta, jokaleku politiko berri batean daude Korsikako indar politikoak oro har eta abertzaleak zehazki.

Hauteskunde jauzi bat baino askoz gehiago

2014-07-09
Hamaika izen eta sigla ezagutu dituzte alderdi abertzaleek 1975etik 2014ra bitartean. Koalizio independentista nahiz autonomista sortuta, argitu egin da mapa politikoa, azken hauteskunde zikloan bloke abertzalea sendotzearekin batera.
Independentziaren aldeko aldarria errepideko seinale batean, Cortin. Han dago Korsikako Unibertsitatearen egoitza, 1981ean berriz zabaldu ostean. 1768an itxi zuen Frantziak. / JON OLANO

Olibondoaren garaia Korsikan

2014-07-08
Estrategia soilik demokratikoari bide eman dio FLNCk, jardun armatua alde batera utzita. Abagune politikoak ikusi ditu askapen nazionalean urratsak egiteko. Adostasun ugari sortu dira Korsikako Biltzarrean, baina topo egin dute Parisen ezezkoarekin. Horri zer erantzun dago jokoan.

Publizitatea