Vienan bost herritarretik bat bakarrik da etxejabea. Tradizio handia du alokairuan bizitzeak, eta etxebizitza sozial asko daude. Merkatuaren legeetatik kanpo antolatutako etxebizitza politika horri buruz aritu da Wiener Wohnen enpresa publikoko bozeramailea, Donostian.

Sahararrek frankismoan eta frankismoaren ostean bizi behar izan zutena jaso du Abdeslam Aomar Lahsenek, Afapredesa Saharako Preso eta Desagertuen Familiakoen Elkarteko presidenteak. Espainiak Mendebaldeko Sahara indar inbaditzaile bati eman izana txarretsi du, eta adierazi du frankismotik hona egoera ez dela hobetu.

Guztira 21 pertsona epaitzen ari dira Gasteizen, abortatzera joandako andreei jazartzeagatik. Askabide klinikak ere jazarpen hori pairatu zuen, eta, hain zuzen, «garaipentzat» jo du epaiketa egitea bera, haren bidez «mugarri historiko bat» ezarri delakoan.

Espainiako Auzitegi Nazionalak Sidenorri egotzi dio Israelgo IMI arma ekoizleari baimenik gabe produktuak saltzea eta gizateriaren aurkako delitu baten konplize izatea. Enpresa horretako zuzendaritzako hiru kide ikertzen ari dira.

Heldu den azaroaren 20an 50 urte beteko dira Francisco Franco Espainiako diktadorea hil zela. Errepublikaren aurka matxinatu, gerra irabazi, eta 40 urteko diktadura faxista bat ezarri zuen Hego Euskal Herrian. Horrek ondorio handiak izan zituen arlo askotan. BERRIAk 'Franco hil zen, eta...' bilduma hasi du, frankismoaren erradiografia bat egiteko.

Lauzpabost kideko familia bat gela batean bizi denean edo kaleratzeko arrisku etengabean denean ikasketak behar bezala jarraitzeko izaten diren zailtasunak agerian utzi nahi izan dituzte Bilbon AZET Etxebizitza Sindikatuak eta hiru familia elkartek. Erakundeen babesa eskatu dute.

Frankismoaren biktimak «umiliatu eta gutxietsi» ditu Falangeak Gasteizen berriki egindako elkarretaratzean. Jaurlaritzak, gainera, baimendu egin du sinbologia frankista erakustea, eta, horrek memoria historikoari buruzko legeak urratu dituelakoan, Jaurlaritza salatuko dute hamalau elkarte memorialistak.

Israelek askatu berri du Basem Khandakji idazle palestinarra, Arabiar Fikzioaren Nazioarteko Sariaren irabazlea. 21 urte eduki dute preso. Iñigo Aranbarrik iritzi zutabe honetan gogoan izan du haren kasua, eta bakerik ezaren sinboloetako batekin lotu du: Amar Bharati indiarrarekin.

Haur adoptatuek arrazakeria pairatzen dutela azpimarratu du Elene Mengyu Larrinaga Bilbao bideogile bizkaitarrak. 'Hogeitabat' filmean islatu du berak jasan duen arrazakeria. Zinema Ikusezina jaialdian eman dute haren lana.