Albistea entzun

MIgrazioak

Munduko harresiak «suntsitzeko» eskatu dute Harresien Aurkako Nazioarteko Egunean

Bizkaiko SOS Arrazakeria, Ongi Etorri Errefuxiatuak eta BDS Bizkaia elkarteek galdegin dute «hesi fisiko eta mental guztiak» erauztea, eta errespetatzea herriek eta pertsonek beren etorkizuna erabakitzeko duten eskubidea.

Gaurko protesta, Bilboko Atxuri auzoan
Gaurko protesta, Bilboko Atxuri auzoan Sos Arrazakeria Tamaina handiagoan ikusi

Edurne Begiristain -

2022ko azaroak 9 09:17

Harresien Aurkako Nazioarteko Eguna da gaur, eta Bizkaiko SOS Arrazakeria, Ongi Etorri Errefuxiatuak eta BDS Bizkaia elkarteek protesta ekintza bat egin dute Bilboko Atxuri auzoan, munduan dauden harresiak «suntsitzeko» eskatzeko. Agiri bat kaleratu dute hiru taldeek, salatzeko «60 harresi baino gehiago» daudela munduan okupatuta dauden lurraldeetan eta mugetan, eta munduko buruzagi politiko boteretsuenak harresi gehiago eskatzen dabiltzala. Horregatik, planetan dauden «horma eta hesi fisiko eta mental guztiak» suntsitzeko eskatu dute, eta herriek eta pertsonek beren etorkizuna erabakitzeko eta «bizitza duina» bermatzeko duten erabaki askearen errespetua eskatzeko.

«Egitura fisikoez gain, herrialde batzuek beren mugak militarizatu dituzte tropak, itsasontziak, hegazkinak, droneak eta zaintza digitala hedatuz; eta lurra, itsasoa eta airea patruilatuz», salatu dute. Gainera, ohartarazi dute mugak ez ezik lurralde eta hiri handietako periferiak ere «kontrol sozial neurrien» menpe daudela. «Horrek erakusten du mundu harresitu batean bizi garela». Salatu dute gotorleku horiek eraikitzen ari diren bitartean pertsonak banatzen ari direla eta haien giza eskubideak eta duintasuna ukatzen ari direla.

Ohartarazi dutenez, harresi eta hesi horiek, sarritan tokiko eraikuntza enpresek eraikitzen dituzten arren, etekin ugari ematen dizkiete industria militarrari eta segurtasun industriari, eta gogora ekarri dute Euskal Herrian ere badirela harresi eta «muga fisiko arrazistak» eta «kolonizatzaileak» eraikitzen laguntzen duten enpresak. CAF enpresa jarri dute adibide gisara: Palestinako lurralde okupatuetan tranbia linea bat eraikitzen ari da, «Israelgo estatuaren apartheid proiektu arrazistari babesa emanez».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRRIA / BERRIA

«Zergatik egon behar dut nik kontrolpean?»

Maite Asensio Lozano

Manuelaren senar ohiak eskumuturrekoa darama. Manuela hiltzen saiatu zen. Gizonak maiz uzten du gailua kargatu gabe, eta, alarmak etengabe jotzearen ondorioz, antsietate arazoekin dabil emakumea.

Miramonen ospatu dute festa, eta Zientzia eta Teknologia Parkearen eraikin nagusiko aretoa lepo bete dute. ©MAIALEN ANDRES/FOKU

Sexu identitateari buruzko ikus-entzunezko pieza didaktikoak sortu ditu Naizen elkarteak

Jone Arruabarrena

Adingabe Transexualen Gurasoen Elkarteak urteroko jaialdia ospatu du, eta ikus-entzunezko bost piezak osatzen duten proiektua aurkeztu dute, baita diseinu berri batekin apaindutako kamisetak ere

‘Soilik baietz da baietz’ legea berrikusiko dute

‘Soilik baietz da baietz’ legea berrikusiko dute

Berria

Podemoseko iturriek azaldu dute oraindik ez daukatela «konponbide bat», baina bide egokia aurkitzeko lanetan dabiltzala.

 ©MARISOL RAMIREZ / @FOKU

Kontrol telematikoa hobetu beharra

Maite Asensio Lozano

Tratu txarrak ematen dituzten gizonei eskumuturreko telematikoa jartzea maizago eskatuko dute poliziek eta fiskalek, baina gailu horien nahi gabeko ondorioek kezka piztu dute eragileen eta biktima taldeen artean.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.