Antxeta irratiak webgunea estreinatu du, eta 06:30ean hasiko da berriak ematen

Iparraldeko Euskal irratietako katerik gazteenak, Antxeta irratiak, webgune berria estreinatu du: www.antxetamedia.info. Egun osoan egiten dituzten ekoizpen guztiak entzun daitezke bertan, asteko kolaboratzaile guztien piezak barne. Programazioari dagokionez, Aitziber Zapirain koordinatzaileak azaldu du 06:30ean hasten direla orain tokiko berriak ematen. «Entzule askok goizean goiz entzuten du irratia, eta orain gure eskualdekoek aukera hori izango dute. Gure ibilbidean soilik bi urtez lortu dugu hori». Koldo Nausia kazetariak ematen ditu tokiko berriak. Arratsaldeetan, 16:00etatik 18:00etara, Zebrabidean magazina egingo dute, Hala Bedirekin eta Tas-Tasekin elkarlanean. Halaber, hiru musika saio berri estreinatu dituzte: Bidasoa Attack, Metal garraxia eta Ipurdia bistan.