Datozen bi egunetarako proposamen bereziak ditu Hamaika telebistak. Bihar Azpeitian (Gipuzkoa) Kilometroak jaia egingo dute, eta horri buruzko saio berezia emango dute, 22:00etan hasita.
Astelehenean, bezperan Anoetan Realak eta Athleticek jokatuko duten partidaren inguruko saioa egingo dute, zuzenean, 22:00etan. Zihara Aranberrik eta Inaxio Esnaolak aurkeztuko dute. Aranberrik normalean Athleticen inguruko Harrobia egiten du, eta Esnaolak Realaren Hamaikakoa. Taldeek zelaian nola, hala egingo dute bat saioek estudioan. Lau gonbidatu izango dituzte aldamenean, bi Athletic taldeko zale eta bi Real taldeko zale. Ikusleek ere parte hartzeko aukera izango dute, telefonoz.
Kilometroak jaiaren eta derbiaren inguruko saioa, bihar eta astelehenean
Iruzkinak
Ez dago iruzkinik
Ordenatu
