ESPAINIAKO KOPA

Baikor egoteko arrazoiak daude

Athleticek zortzi kanporaketa jokatu ditu Espanyolen aurka Espainiako Kopan, eta zazpitan egin du aurrera.

Argazki Press

Julen Etxeberria -

2015eko urtarrilak 30

Athletic Espainiako Kopako finalerdietan da hiru urte geroago. Atzo gauean lortu zuen sailkapena, San Mamesen, Malagari 1-0 irabazita. Aritz Adurizek bigarren zatia hasi eta berehala sartutako gol batek hautsi zuen joaneko partidako oreka —hutsean berdindu zuten Rosaledan—. Gol hori erabakigarria izan zen talde zuri-gorriak finalerdietarako txartela lor zezan.

Athleticek badaki jada nor izango duen aurkari finalaren atarian: Espanyol. Kataluniako taldeak Sevilla kanporatu du. 1-0 galdu zuen atzo Sanchez Pizjuanen, baina joanekoan 3-1 irabazi zuenez, aurrera egin du. Athleticek eta Espanyolek otsailaren 11n jokatuko dute joaneko partida, San Mamesen, 22:00etan. Itzulikoa, berriz, martxoaren 4an jokatuko dute, Cornella-Praten. Beste finalerdia Bartzelonak eta Vila-realek jokatuko dute, Atletico Madril eta Getafe kanporatu ondoren.

Athleticeko zaleak baikor egoteko moduko arrazoiak daude. Estatistikak alde ditu, oso alde. Batetik, talde zuri-gorria finalerdietan aritu den aurreko 44 aldietatik 35etan iritsi zen gero finalera, alegia, hamarretik zortzitan. Bestetik, Athleticek zortzi kanporaketa jokatu ditu Espanyolen aurka Kopan, eta zazpitan egin du aurrera. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna