Albistea entzun

Gazte Martxa

Abiatu da Ernaik eta Aitzinak antolatutako gazte martxa

Ehunka gazte elkartu dira Lekunberrin (Nafarroa), 'Herria Mugarri. Gazteok martxan' lelopean. Gaurko etapa Irurtzunen amaituko dute.

Euskal Herri osoko gazteak elkartu dira Lekunberrin.
Euskal Herri osoko gazteak elkartu dira Lekunberrin. Jagoba Manterola / Argazki Press

Aitziber Laskibar Lizarribar -

2015eko apirilak 3

Gaur goizean abiatu da Lekunberritik Ernaik eta Aitzinak elkarrekin antolatutako gazte martxa. Hiru egunez, Euskal Herri osoko ehunka gaztek egingo dute Lekunberritik Iruñeara arteko bidea. Gaur Irurtzunen egingo dute geldialdia, eta bihar, Berriozarren. Iruñeko Aberri Egunean amaituko dute aurtengo gazte martxa, etzi.

Ernaik eta Aitzinak elkarrekin prestatu dute aurtengo Aste Santuko ekitaldi sorta. Iaz Altsasun egin zuten Burutakzioaren ondoren, bigarren aldia da egunok elkarrekin igaroko dituztena, eta aurrera begira ere gune komunak partekatzeko nahia dute. Aurtengo martxaren helburua bidean elkar ezagutzea, elkarrekin eztabaidatzea eta kultur ekitaldiez gozatzea da, bai eta ondo pasatzea ere; gazteak indarberritu, ilusioz jantzi eta oporraldiaren ondoren nor bere herrira lanerako gogoz itzultzea.

Hego Euskal Herriko gazte antolakundea da Ernai. Aitzina, Ipar Euskal Herrikoa. Herri osoa «mugarri» hartu nahi dutela diote, eta gazte indarra mugiarazi nahi dutela. Horixe da, hain zuzen, aurtengo ekinaldiari jarri dioten leloaren zentzua: Herria Mugarri. Gazteok martxan.

Ekitaldi nagusia bihar egingo dute Berriozarren, 19:30ean. Ondoren kontzertuak izango dira. Besteak beste, bertan joko dute Skakeitan, Oliba Gorriak, Kop eta Mandoilek taldeek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

EH Bilduk kontratu txikien «klientelismoa» kritikatu du

Erredakzioa

Unai Fernandez de Betoño legebiltzarkideak salatu du enpresa batzuk EAJko eta PSE-EEko kontaktuez baliatzen ari direla kontratuak lortzeko
Olatz Garamendi sailburua eta Miquel Iceta ministroa. ©J. J. Guillen / EFE

Urkulluk aste honetarako espero du eskumenen lehen blokea eskualdatzeko bilera

Jon O. Urain

Azken egunetan, EAJko buruzagi ugarik nabarmendu dute ekainerako espero dituztela lehen blokeko eskumenak.

EH Baik elkarretaratzea egin zuen atzo goizean, Euskal Hirigune Elkargoaren egoitza aitzinean. ©GUILLAUME FAUVEAU

Bizilekuen Tokiko Programa onetsi du Euskal Elkargoak

Ekhi Erremundegi Beloki

Bideokonferentziaz egin dute Euskal Hirigune Elkargoko batzarra, osasun egoeraren ondorioz. 630 milioi euroko aurrekontua onartu dute hautetsiek, inbertsiorako 160 milioi euro atxikita

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna