Galdeketak arautzen lehena izan zen Donostiako Udala tokiko erakundeen artean, eta araudi hori babestu nahi izan dute gaur arratsaldean egindako elkarretaratzean. Hainbat auzo elkarte, eta Donostiako Gure Esku Dago eta zezenketen aurkako plataforma zeuden deitzaileen artean. Donostiarrok erabaki nahi dugu lelopean bildu dira Alderdi Eder parkean, udaletxe aurrean.
Aurreko agintaldian, Donostiako udalbatzarreko talde guztien —Bildu, EAJ, PSE eta PPren— babesarekin onartu zuten Hiritar Kontsulten Araudia Donostian. EAEko Auzitegi Nagusiak baliogabetu egin zuen, eta Donostiako Udalak iragarri du helegitea jarriko duela.
