Urrezko domina astuna eskegita zuela eta irribarrea erantzi ezinik egin zien kasu kazetariei.
A zer nolako unea, ezta?
Sorpresa hartu dut, jaitsieran ez nuelako nire burua ondo sumatzen, baina denbora bikaina izan da. Hau ametsa da, egia bilakaturiko ametsa. Eta, era berean, lan askoren fruitua. Duela lau urte apustu handia egin genuen eta ondo atera zaigu.
Amatasunaz ari zara?
Bai. Emakumeok geure jardun profesionala eta amatasuna bateratzeko arazo handiak ditugu. Kontziliazioa ez da erraza; kirolean ere ez. Bide luzea izan da honaino, asko inbertitu dugu gure alabarekin. Beti gurekin eramaten dugu, urte garrantzitsuak direlako. Zorionez ondo irten da.
Londresko arantza atera al duzu? Han gutxigatik ez zenuen lortu urrea.
Orduan hasi nintzen urrea lortzeko entrenatzen. Hemen ezin da ezer aurretik jakin, baina nik sasoi onean iristeko egin dut lan.
Hau ere bada irismena. @MChourraut prentsa aretoan euskaraz. Galdera @inigoasensio rena. Lekukotza @berria rena pic.twitter.com/tC8giZIYGY
— Enekoitz Telleria (@EnekoitzTelle) 2016(e)ko abuztuak 11
@MChourraut -en agurra @berria -ko irakurleei eta lasartear guztiei #berriarionpic.twitter.com/S2ooPdW6um
— Enekoitz Telleria (@EnekoitzTelle) 2016(e)ko abuztuak 11