Regio 2N modeloko bederatzi trenez hornituko du Bombardierrek SNCF frantziarra. Kontratu handia da, 96 milioi eurokoa, eta trenen propultsioa Bombardierrek Bizkaian duen plantak ekoitziko du. SNCFk eta Bombardierrek 2010ean egindako megakontratu baten barruko esakera da bederatzi tren horien sorta.
Duela zortzi urte 860 tren egiteko kontratua jaso zuen Kanadako trengileak, eta gaur arte 382 egiteko eskaerak jaso ditu. OMNEO plataformari dagokio Regio 2n modeloa; bi pisuko trenak dira azken eskaera honek jasotzen dituenak; haien trakzioaren alor osoa Trapagaranen ekoitzi dute. Megakontratu horretako 240 trenen propultsioa Bizkaian egitea aurreikusi du multinazionalak.
