gobernu aldaketa Espainian

Otegik nabarmendu du Sanchez ez dela Espainia "demokratizatzeko" alternatiba

PSOEk egiten dituen urratsen arabera jokatuko dutela iragarri du EH Bilduko koordinatzaile nagusiak, eta ohartarazi du "demokraziaren aurkako mugimendua" ez dela desagertu.

Arnaldo Otegi, EH Bilduko kideekin. /
Arnaldo Otegi, EH Bilduko kideekin. / Gorka Estrada/EFE

Berria -

2018ko ekainak 4

Espainiako zentsura mozioa babestu ondorengo mahai politikoaren bileraren ostean egin du agerraldia EH Bilduko koordinatzaile nagusiak, eta berretsi du Espainiako Kongresuan Pedro Sanchezen alde egin izanak ez duela esan nahi aurrerantzean ere PSOE babestuko dutenik: "Beti egon gara prest Frankismoaren oinordekoak edozein instituziotatik kanporatzeko. Baina, oker egotea nahiago genukeen arren, uste dugu PSOEk ez duela indar nahikorik Espainiako Estatua demokratizatzeko prozesu bat abian jartzeko".

Dena den, eta aurreikuspenak aurreikuspen, koalizioak gertutik jarraituko ditu sozialisten gobernu berriak egiten dituen urratsak, eta horien araberakoak izango dira euren jarrerak ere. "Testuinguru historiko batean gaude. Jakin badakigu badela jendea partidak alderdi gisa jokatzen dituena, eta uste dugu ondorio larriak dituen akatsa dela. Estatu eta herri gisa erantzuteko ordua da".

Alderdi Popularra agintetik kanporatu izanari buruz, berriz, Otegik ohartarazi du demokraziaren aurkako mugimendua ez dela desagertu eta datozen hilabeteetan ere hura bultzatzen ahaleginduko direla bai komunikabideak, eta baita epaitegiak eta segurtasun indarrak ere, "Altsasun gertatu bezala". Haren esanetan, atzeranzko joera hori indartsu dago oraindik PPren eta Ciudadanosen hitzaldietan, "eta berriz ikusiko da estatuaren erakundeetan".

Alde horretatik, PSOEk orain arte egindako urratsak kritikatu ditu EH Bilduk. Gogorarazi du, besteak beste, sozialisten sostenguarekin ezarri zutela 155.a Katalunian, eta Pedro Sanchezen alderdiak proposatu zuen Zigor Kodea aldatzea "independentistak espetxeratzeko".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio konponbide bat emateko lehen arretako zentroen egoerari

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna