Baliogabetzat jo dute emakume haurdun baten kaleratzea

Kaleratzea baliogabetzat jo badute ere, etxeko langilea izanik, ez du lanean berriz hartzeko aukerarik.

Etxeko langileen protesta bat, artxiboko irudian
Etxeko langileen protesta bat, artxiboko irudian Luis Jauregialtzo / Foku

Irati Urdalleta Lete -

2018ko uztailak 3

EAEko Justizia Auzitegi Nagusiak baliogabetzat jo du emakume haurdun baten kaleratzea, enplegu emaileak egoera horren berri ez bazuen ere. Hala ere, etxeko langilea izanik, ez du izango berriz lan horretara itzultzeko eskubiderik.

Epaitegiak honako hau ebatzi du: lan egindako urte bakoitzeko –2014tik ari da lanean– 33 eguneko soldata, kaleratu zutenetik gaur egunera arteko soldata eta, eragindako kalteengatik, 2.188 euroko ordaina ematea.

Etxeko langileak, babesgabe

Bizkaiko Etxeko Langileen Elkarteak esan du sektore honetan oso ohikoa dela langileak haurdun egoteagatik kaleratzea. Adierazi du babesgabe geratzen direla langileak, berriz lanean hartzea ez delako derrigorrezkoa, eta, gainera, ez dutela langabezia kobratzeko eskubiderik ere. Horrez gain, amatasunak dirauen aldian Gizarte Segurantzan izena eman gabe egoten direnez, ez dute amatasun baimena izateko eskubiderik.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna