Gizartea

Donostiako hainbat gaztek okupatutako lokal bat hustu dute udaltzainek

Pertsona bat atxilotuta eraman dute, identifikatu ez delako.

Udaltzainak eta ertzainak, Aldamar kalean okupatutako lokala inguratzen.
Udaltzainak eta ertzainak, Aldamar kalean okupatutako lokala inguratzen. Iñaki Agirre- Irutxuloko Hitza

Berria -

2018ko uztailak 6

Parte Zaharreko gazte lokal berria, urte luzez hutsik izan den bideokluba, hustu eta itxi egin dute gaur goizean. Goizean goiz iritsi dira udaltzainak, ertzainez lagunduta, eta zigilatu egin dute. Legez kanpo eta agindu judizialik gabe egin dutela salatu dute gazteek.

Bizilagunak biltzen hasi dira inguruan, eta gertatzen ari zena grabatzen hasi dira batzuk. Pertsona horiek identifikatzen hasi da Polizia, tartean, Irutxuloko Hitza-ko kazetari bat.

Pertsona batek, Parte Zaharreko gazte batek, ez du identifikatu nahi izan, beharrezkoa ez zela argudiatuta, eta komisariara eraman dute. Jendea errepidean eseri da atxiloketa saihesteko, eta Poliziak indarrez jo du eurengana.

Joan den larunbatean okupatu zuten Aldamar kaleko 32. zenbakiko lokala. Auzo lokal bihurtu nahi zuten gazteek, eta urte askoan hutsik egon den espazio hori txukuntzen eta prestatzen ibili dira egunotan.

18:00etan Asanblada egingo dute Aldamar kalean, eta 21:00etan manifestazioa abiatuko da Trinitate plazatik.

Informazio gehiago, Irutxuloko Hitza-n.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna