Foruzaingoak kamioilari bat salatu du, gidatzen ari zela haurrari bularra emateagatik

 
Foruzain bat, artxiboko argazkian, kontrol batean. /
Foruzain bat, artxiboko argazkian, kontrol batean. / Iñigo Uriz/Foku

Berria -

2018ko abuztuak 24

Nafarroako Foruzaingoak jakinarazi dutenez, duela gutxi Tuterako komisariako foruzainek kamioilari bat salatu dute gidatzen ari zela haur jaioberri bati bularra emategatik. Bi salaketa jarri dizkiote, zehazki: haurra besoetan eramateagatik, eta ez derrigorrezkoa duten eserlekuan, eta kamioiaren leihoetan errezelak eramateagatik.

Beste gidari batek ohartarazi zituen foruzainak. Telefono dei horretan beste gidari horrek azaldu zuen Ebroko autobidean kamioi bat mugimendu arraroak ari zela egiten, eta gidaria haur bati bularra ematen ikusi zuela. Foruzainek kamioia aurkitu zutenean geratu egin zuten, eta emakumeak aitortu zien bidean gidatzen ari zela bularra ematen ari zitzaiola haurrari.

Gainera, kamioilariak gortinak zabalik zeramatzan gidatzen ari zen bitartean, eta horrek gidatzeko ikusmena murrizten zion. Kamioilariak isunak momentuan ordaindu zituen, eta senide batzuk haurra jasotzera joan ziren. Horren ondoren, kamioilariak bidean aurrera segitu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna