Noiz sortua: 2018-09-15 23:03:28

Futbola

Berme handia lortu du Athleticek (1-1)

Athleticek ahalegin fisiko ikusgarriari esker urratu du puntu bat Real Madrilen aurka. Simonek geldiketa handiak egin ditu

Dani Garcia eta Iker Muniain Athletice gola ospatzen.
Dani Garcia eta Iker Muniain Athletice gola ospatzen. J. Z. / EFE

Imanol Magro Eizmendi -

2018ko irailak 15

Golak. 1-0: Muniainek (32. min.). 1-1: Iscok (63. min.). Epailea. Gonzalez Gonzalez. Txartel horiak: Athleticeko Yeray, Yury, Simon eta Dani Garciari; eta Real Madrileko Carvajal eta Vazquezi. Bestelakoak. 46.413 ikusle San Mamesen. Belarra luze samar zegoen.

 

an Mames pozik hustu zen atzo gauean. Ikusleek txalo zaparrada handi batekin agurtu zituzten jokalariak. Zaleek, jokalariek, Eduardo Berizzok berak eta zuzendaritzak aho gustu onarekin hartu zuten etxerako bidea. Zuri-gorriek ligan jokaturiko lehen partidek  iritzi ezberdinak sortu zituzten.  Zalantzak sortu zituztela esatea gehiegizkoa litzateke, baina atzokoa bezalako bultzada batek berme handia emango dio egitasmoari. Izan ere, itxura oso ona eman zuen Txapeldunen Ligako txapeldunaren aurka, eta harmailek gozatu egin zuten.
Athleticek ez zuen joko koloretsurik egin, baina jarrera eredugarria erakutsi zuen. Ahalegin fisiko harrigarriari eta elkarlanerako borondate handiari esker urratu zuen puntu bat. Tira, eta Unai Simoni esker. Berea behin behineko atezain postua dela entzuten du astero, Herrerinen osasunaren eta Remiroren kontratuaren zain, baina atzokoan segurtasun handia erakutsi zuen. Ez zen sentsazio kontua izan bakarrik, meritu handiko geldiketak egin baitzituen atepean.
Eduardo Berizzok hiru aste izan zituen atzoko partida prestatzeko, eta aldagai berri bat plazaratu zuen. Jokalari guztiei buruz buruko zaintza lana egiteko agindu zien. Bati baino gehiagori Marcelo Bielsaren garaiak etorri zitzaizkion burura. Aukera ausarta da, baina kontzentrazio handia eta hanka freskoak eskatzen ditu. Intentsitate handiz ekin zion partidari, eta Real Madrilen irudimena blaitu  zuen izerdiarekin.
Zaintza lana lehenetsi zuen Berizzok, eta erasoan nabaritu zen. Argia falta izan zitzaion Athletici, baina lanaren bidetik ere sor daitezke aukerak. Gola horrela iritsi zen (32. min.), Susaetaren korrikaldi luze baten ondoren. Eibartarrak pase zehatza eman zion area barruan De Marcosi, eta haren erdiraketa Muniainek bidali zuen sareetara jokaldi katramilatu batean. Jokaldiak datu harrigarria utzi zuen: kontraerasoa izan arren, Athleticeko lau jokalari zeuden Real Madrilen area txikian sartuta. Jokaldi hori, baina, ez zen lehen zatiaren lagina izan, Real Madrilek aukera gehiago izan zituelako. Bi izan zituen bereziki onak: Asensio (29. min.) eta Modricen bana (38. min.), eta bietan Simonekin egin zuten topo. Merituengatik bada, kostako da hura hasierako hamaikakotik kentzea.  
Nekearen eragina
Athleticek jarrera berdinarekin eta emaitza alde zuela ekin zion bigarren zatiari. Presioa, baina, ez zen hain eraginkorra izan. Minutuak pilatzen ari zen, eta etxekoen nekeak arnasa eman zion Real Madrili. Kanpokoek errazago konbinatu zuten, zuloak handiagoak zirelako eta jokaldi eder zehatz batan sartu zuen banakoa (63. min.): Kroosek pase luzea eman zin Baleri, hark dotore erdiratu zuen eta Iscok, arean bakarrik, buruz bidali zuen baloia sareetara. Kalitate gola izan zen.
Golak min handia egin zion Athletici. Saiatu arren ezin izan zuen gola eragotzi, eta Real Madril hazita zegoen. Berizzok aldaketak egin zituen hanka freskoen bila, eta jokalariek eskarmentua erakutsi zuten. Falta taktiko asko egin zituzten eta txartel hori asko erakutsi zituzten, baina partida moteltzea lortu zuten. Une batzuetan berotu eta guzti egin zen. Dani Garcia eta Yury bezalako jokalariek nortasun handia txertatu diote taldeari,  baino hori ondo bideratzen asmatu behar du. Real Madrilek, dena den, guzti horri aurre egiteko maila badu, eta beste bi aukera garbi izan zituen. Bietan, baina, Simon agertu zen. Atezaina izan zen onena atzokoan, funtsezkoa puntua lortzeko. Agian, bera izan zen berme gehien irabazi zuena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Astelehenetik aitzinera Hego Euskal Herrian libre mugitzeko aukera izango dela espero du Urkulluk

Berria

Euskadi Irratian egindako elkarrizketa batean adierazi duenez, Pedro Sanchezi hala ulertu zion atzo Urkulluk. Salvador Illa Espainiako Osasun ministroak, ordea, atzo erran zuen hirugarren fasea bukatu arte ezingo dela autonomia erkidego batetik bertzera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Izurriak eragindako heriotzen kurba, ikusgai

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna