Gizon bat larri zauritu da Tuteran, Agua Salada aerodromoan, kirol hegazkin bat pilotatzen ari zenean, hegazkinak lurra jo duenean. Zauritua bakarrik zihoan hegazkinean.
Aerodromoan ziren pertsona batzuk eman diete abisua larrialdi zerbitzuei. Horiek aerodromora bertaratu dira, eta Nafarroako ospitalera eraman dute zauritua, helikopteroz.
Lehen informazioen arabera, pilotua hegazkinarekin bira egiten saiatu da lurretik altuera txikira, eta hegoetako baten ertzarekin lurra jo du.
Aerodromoko kideek hegazkinetik atera dute pilotua, hegazkinak su hartuko zuen beldurrez. Izan ere, kolpearen ondorioz erregaia isuri da lurrera.
Larrialdi zerbitzuek suhiltzaile talde bat eta polizia bidali ditu aerodromora. Polizia gertakariak ikertzen ari da.
Avioneta ultraligero estrellada en aerodromo de #Aguasalada en #Tudela. Cerca del polígono industrial de montes de cierzo. Acuden B261 B221 B241.#SVA@policiaforal_na
— Bomberos y Bomberas – Suhiltzaileak (@bomberos_na) 16 de septiembre de 2018
Un unico ocupante trasladado a pamplona en #EC@bomberos_na Parque de #Tudelapic.twitter.com/Tjq5MzIWxb
