Politika

Iheslari eta deportatuen eguna antolatu du Kalera Kalerak, urriaren 6rako

Tolosan (Gipuzkoa) egingo dute aldarrikapen eguna, Joxi Zabala eta Joxean Lasaren bahiketaren 35. urteurrena gogora ekarriz. "Elkarbizitza sano bat eraiki nahi badugu, gainditu beharreko errealitatea da iheslari eta deportatuena".

Kalera kalerako kideak gaurko prentsaurrekoan.
Kalera kalerako kideak gaurko prentsaurrekoan. Juan Carlos Ruiz/Foku

Berria -

2018ko irailak 19

Exilioa eta deportazioa "kondena bat izan dira eta dira" euskal herritarrentzat, Kalera Kalera plataformaren iritzian, eta "elkarbizitza normalizatzeko bidean" korapilo horiek ere askatu beharra dagoela azpimarratu du. Jon Irazola iheslari ohiak eta Mikel Korta Kalera Kalerako kideak hitz egin dute gaur emandako prentsaurrekoan, eta azaldu dute, konponbide hori eskatzea izango duela xede urriaren 6ko egunak.

Arazoari konponbidea emateko, gainera, denen artean adostutako bide orri bat martxan jartzeko eskatu diete eragile politiko, sozial eta sindikalei. Gaur egun, 70 inguru dira iheslariak, eta 14 deportatuak.

Arazoa asko arinduko luketen neurri batzuk badaude, Kalera kaleraren esanetan, egun batetik bestera hartu beharko liratekeenak. "Gizalegezkoak eta urgentziazkoak" direla nabarmendu dute, eta zehaztu egin dituzte: Iheslari eta deportatuen abokatuei haien egoera juridikoaren inguruko informazioa ematea —Auzitegi Nazionalak ez die informazio hori ematen gaur egun—; preskripzioen kontaketa "era naturalean" egitea, "modu artifizialetan manipulatu beharrean"; "torturarekin kutsatutako dosierrak" bertan behera uztea; "oinarri juridiko eta legalik ez duten deportazioen" kondena amaitutzat ematea; eta adinean aurrera joandako iheslari eta deportatuak zein gaixo daudenak etxeratzea.

Nabarmendu dutenez, horrekin bakarrik iheslari eta errefuxiatuen %80 Euskal Herrira itzuliko lirateke. Eta gainerakoekin, "konponbideetan oinarrizkoa den errealitatearen printzipioa" aplikatzea eskatu dute.

Eskaera horiekin guztiekin egun osoko egitaraua prestatu dute: Hitzaldia, txorizo eta sagardo dastaketa, ibaiaren jaitsiera, ekitaldi politikoa, kalejira, bazkaria eta abeslariak, besteak beste.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna