Iragaitzazkoak diren migratzaileekiko "erantzunik eza" salatu du Ongi Etorri Errefuxiatuak plataformak autoen karabana baten bitartez. "Instituzioek ez dituzte migratzaileen oinarrizko beharrak betetzen. Orain arte Bilboko hainbat auzotan arreta jasotzen zutenak Zorrotzaurrera eraman dituzte orain; zehazki, Bizinahira".
Arratsaldez, 18:00etan, atera da autoen karabana Bilboko Begoña auzotik, eta erdigunerainoko bidea egin du. Haren amaieran, Harrera Sareko kideek salatu dute ez dela euren helburua "Aquarius bat bilakatzea", baizik eta errealitateko horri aurre egitea, "erantzukizunez".
