Erasorik ez erantzunik gabe lelopean, elkarretaratzea egin dute dozenaka herritarrek Barakaldon (Bizkaia), Argitan zentroak deituta. Herriko bizilagun batek jasan duen sexu erasoa gaitzetsi dute, eta emakumeek kalean lasai eta beldurrik gabe ibiltzeko eskubidea dutela aldarrikatu.
Barakaldoko Udalak jakinarazi duenez, Eguberri eguneko goizaldean gertatu zen erasoa, kalean: andrea bortxatzen saiatu zirela azaldu du udalak, xehetasun gehiago eman gabe.
Argitanek adierazi du borrokan jarraituko duela "emakumeak idarkeriarik gabeko gizarte batean bizitzeko aukera duten arte".
Barakaldoko Udalak bat egin du elkarretaratzearekin eta udal talde guztiek salatu dute eraso matxista.
