Euskaltel bereganatzeko helburuarekin, EEP erosteko eskaintza publiko bat aztertzen ari ote den galdetu dio Orange enpresari CNMV Balore Merkatuaren Espainiako Batzordeak. Galde horri erantzun dio, gaur, konpainiak eta adierazi du ez duela Euskaltelen akzioak %100ean bereganatzeko asmorik. Dena den, argitu du enpresa "beti" ari dela "Espainian hazteko aukerak" aztertzen.
Orangen erantzuna publiko egin eta berehala, %4 merkatu dira Euskaltelen akzioak burtsan. Joan den ostiralean, %9 garestitu ziren, zenbait hedabide Orangen ustezko EEP bati buruz mintzatu zirenean.
Zegona britainiarrak Euskaltelen duen parte hartzea areagotzeko kapitala handituko duela iragarri eta gutxira zabaldu dira Orangek Euskaltel erosteko aukerari buruzko albisteak.
