Gurutz Ansola legebiltzarkide ohia eta EAren sortzaileetako bat zen, atzo, 94 urterekin. Azpeitian (Gipuzkoa) jaioa, bi legegintzaldita izan zen Eusko Legebiltzarreko ordezkari, 1980 eta 1987 urteen artean. EAJrekin aurkeztu zen, baina EAra pasa zen 1986an. Bera izan zen alderdiaren sortzaileetako bat. Ansola Gipuzkoako Batzar Nagusietako presidente ere izan zen 1987 eta 1991 urteen artean.
Horrez gain, Egan, Zeruko Argia nahiz Jakin aldizkarietan idatzi zuen ekonomia gaiei buruz. Hainbat saiakera liburu ere argitaratu zituen: Euskal Herriko ekonomiaz 1955-1967 (1971, Etor-Gero) eta USAren agintaritza eta dolarraren ahulezia (1972, Gero).
Hezkuntzaren arloan ere jardu zuen Ansolak. Gipuzkoako Ikastolen Federazioko lehenengo presidentea izan zen 1969tik 1971ra, eta ikastolen mugimenduan parte hartu zuen. Ikasle garaian, berriz, Ekinen sorreran aritu zen Ansola, kultura arloan.
Donostian bizi zen aspalditik, eta han izango da hileta elizkizuna, astelehenean, 19:30ean, San Vicente parrokian.
Eusko Alkartasunak bere Twitter kontuan eman du Ansolaren heriotzaren berri.
Gurutz Ansola zendu da.
— Eusko Alkartasuna (@ealkartasuna) 2019(e)ko otsailaren 1(a)
Gizon ekintzailea, Franksimo garaian Gipuzkoako Ikastolen federazioko burua, eta @ealkartasuna-ko sortzaileetako bat.
Euskal Herria justu eta aurrerakoia eraikitzeko lan politiko itzela egin zuen.
Eskerrik asko, Gurutz, #AdiorikEz, zure bidean darraigu! pic.twitter.com/z63pLn3cWO
Informazio gehiago Uztarriaren webgunean.
