Zelaak ezbaian jarri du praktiketako ikasleek kotizatzeko neurria

Hezkuntza administrazioek ohartarazi diote egitasmoak gainkostua ekarriko diela eta ikastetxeek enpresak bilatzeko zailtasunak areagotuko dituela

Isabel Zelaa Espainiako Gobernuko Hezkuntza ministroa
Isabel Zelaa Espainiako Gobernuko Hezkuntza ministroa / Angel Diaz (Efe)

Berria -

2019ko otsailak 5

Espainiako Gobernuak lege egitasmo bat kaleratuko du, besteak beste, enpresetan praktikak egiten dituzten ikasleek gizarte segurantzan kotizatu dezaten. Dena den, Isabel Zelaa Hezkuntza ministroak eta gobernuko bozeramaileak zehaztu du proposamen bat baino ez dela neurria, eta atzera egiteko prest daudela, hezkuntza administrazioentzat edota enpresentzat «kaltegarria» bada.

Gobernuak ez du oraindik prestatu lege egitasmoa. Lan Ministerioak egingo du. Zelaak azaldu du hezkuntzako eta ekonomiako eragileen iritziak biltzen ari direla, eta Kongresuko taldeei gogoratu die zuzenketak jartzeko aukera izango dutela. Ez du zehaztu legealdia amaitu baino lehen aurkeztuko duten lege proiektua.

PPk eskatuta egin du agerraldia Zelaak. Horretarako beharrik ez zegoela azaldu du, lege proiektua ez dagoelako eginda. Dena den, zenbait zehaztapen egin ditu. Aitortu du hezkuntzako eragileek jada agertu dizkiotela neurriaren inguruko kezkak. Kotizazioen ordaintzea hezkuntzako administrazioen esku geratuko balitz, horrek eragina izango lukeelako euren aurrekontuetan. Enpresen esku geratuko balitz, zailtasun gehiago izango lituzketelako praktiketako ikasleak kontratatzen dituzten enpresak bilatzeko. Horretaz jakitun dela azpimarratu du Zelaak.

Lan Ministerioaren egitasmoak unibertsitate eta lanbide heziketako ikasleei eragingo lieke. Ordaindutako praktikak izan zein ez; orain arte, ordaindu gabeengatik ez zen kotizatzen. Besteetan, kotizazioen kostua Gizarte Segurantzak hartzen zuen bere gain.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna