Maier Irigoien Ulaiar, Isabel Saez Perez eta Iker Oiz Elgorriagaren proiektua da Zauria(k). Eromena. Gorputza. Feminismoak izeneko dokumentala. Sare sozialetan aurreratu dutenez, ondoez psiko-soziala eta genero bizipenak lotuko dituzte, bederatzi lagunen errealitatea ezagutu, eta beste hainbeste ikuspegi emateko.
Otsailaren 14an aurkeztuko dute lana, 19:00etan, Iruñeko Katakrak liburudendan. Dokumentala emateaz gain, solasaldi bat ere egingo dute. Iruñean bezala, halaxe daukate aurreikusita gainerako aurkezpenetan ere.
Donostian, Emakumeen Etxean egingo dute aurkezpena, otsailaren 15ean (19:00). Gasteizen, Landatxo gizarte-etxean, otsailaren 22an (19:00). Bilbon, azkenik, otsailaren 23an izango da dokumentala ikusi eta gaiaz aritzeko aukera, Bira kultur gunean (18:00).