Goizeko eta eguerdiko mobilizazio jendetsuen ostean, ilunabarrean abiatu den manifestazioaren "arrakasta" nabarmendu du Donostiako mugimendu feministak. Aurretik zabaldutako mezuarekin jarraituz, erakundeei zuzendu zaizkie emakume grebalariak arratsaldean ere: "Zuriketa more asko entzuten eta ikusten ari gara, baina, bihartik aurrera, ez dugu gehiagorik nahi: bihartik aurrera, politika feminista ausartak exijitzen ditugu".
Antiguako tuneletik abiatu da manifestazioa, eta adin guztietako andreak batu zaizkio bidean. Irten aurretik, greba egunaren balorazio nazionala egin du Ana Txurruka Euskal Herriko Mugimendu Feministako kideak: "Planto egin dugu, bizitza sostengatzen duten lanak utzi, eta Euskal Herri osoko kaleak hartu ditugu. Ukabilaz ezetz esan diogu zapaltzen gaituen sistemari". Haserre agertu dira egun osoan emakume grebalariek jasan dituzten polizia identifikazioekin: gutxienez 60 emakume identifikatu dituzte; 50 Iruñean, eta hamar Gasteizen. "Gure borroka moldeak legitimoak dira, eta eutsi egingo diegu".
#M8Grebafeminista@berriapic.twitter.com/k5qI1R7ZDB
— Igor Susaeta (@Txuster81) 2019(e)ko martxoaren 8(a)
Bost ardatz izan ditu grebak: zaintza, ikasle gazteak, kontsumoa, pentsiodunak eta soldatapeko lana. Ardatz bakoitzeko ordezkari banak egin du egunaren balorazioa. "Arbuiatu" egin dituzte "zaintza lanak egituratzen dituen heteroaraua eta familia eredu patriarkala"; "langile estatusetik alboratuak" diren ikasleak kalera atera dira; kontsumo ereduaren kritika egiteaz gain, "elikadura burujabetza sustatzen duten moldeak" nabarmendu dituzte; pentsionisten borroka borroka feminista dela aldarrikatu dute; eta esan dute "lan eremu gehienetako emakumeek" egin dutela bat grebarekin.
#M8GrebaFeminista@berriapic.twitter.com/Lw4DTiAmwL
— Igor Susaeta (@Txuster81) 2019(e)ko martxoaren 8(a)
Manifestazio jendetsuan, Zuek, matxistak, zarete terroristak, Erasorik ez, erantzunik gabe eta Munilla, deabrua zure bila leloak oihukatu dituzte, besteak beste. Mugimendu feministak nabarmendu du ez dela sindikatuek deitutako manifestazioa eta greba eguna izan, antolatutako emakumez osatutako mugimendu batek egina baizik. Zenbakiei garrantzirik eman ez dieten arren, aurreratu dute astelehenean emango dituztela gaurko mobilizazioen datuak, "ziurrenik, sindikatuek".
#M8GrebaFeminista Aspaldi abiatu da manifestazioa. Bada ordu erdi pasa geroago, udaltzainen argiak ikusten diren puntuan du atzealdea @berriapic.twitter.com/MgtGuRAUQO
— Igor Susaeta (@Txuster81) 2019(e)ko martxoaren 8(a)
Eguerdiko mobilizazioak
Eguerdian, milaka pertsona bildu ditu kioskoaren bueltan egindako ekitaldiak. Gainezka egin du Gipuzkoako hiriburuko Bulebarrak, eta adin guztietako emakumezkoak bildu ditu greba feministak lurraldean antolatutako ekitaldi nagusiak. Atzerapausorik, bat bera ere ez, eta, besteak beste, Gora greba feminista leloak oihukatu dituzte han bildutako andrazkoek. Diskurtsoen garaian, pentsiodunek salatu dute soldata arrakalak pentsioen arrakalak "betikotzen" dituela. Etxeetan lan egiten duten emakumezko etorkinek kritikatu dute ez direla "aurpegirik gabeko milaka beso". Erakundeei egotzi diete diskurtsoez "nazkatuta" daudela, eta, horren "erantzule" diren neurrian, haien "lan baldintzak" aldatzeko eskatu diete. Epaitegietako eta komisaldegietako garbitzaileek ere —gehienak andrazkoak dira— haien lan baldintzak salatu dituzte. Ez daramatzate alferrik 171 egun greban.
[youtube]https://youtu.be/ki1Cqw7ZH-c[/youtube]
Bizitza erdigunean jarri eta berdintasuna oinarri izango duen itun soziala aldarrikatu dute goizean Donostian egindako ekitaldian. Emakumezkoetako asko bertara iritsi dira Donostiako hainbat auzotatik abiatutako zutabeetan. Bai hiriburuan eta baita probintziako beste hainbat lekutan ere mobilizazio jendetsuak egin dituzte emakumezkoek. Arratsaldeko mobilizazioei ekin aurretik, tupper-bazkari autogestionatua egin dute hainbat herritan. 19:00etan manifestazioa egingo dute Donostian, Antiguako tuneletik abiatuta.
Eguerdian, ekintza zuzen bat egin dute Artzain Onaren aurrean.
Artzain Onaren aurrean ekintza zuzena. Faxismoaren aurrean autodefentsa feminista! #M8GrebaFeminista#EmakumeokPlantopic.twitter.com/2DBOMULKSy
— Donostiako Feministak (@DFeministak) 2019(e)ko martxoaren 8(a)
Bulebarreko kioskoaren bueltan egindako ekitaldia minutu bateko isilunearekin amaitu dute. Indarkeria matxistak hildako emakumezkoak oroitu dituzte modu horretan.
Eguerdiko ekitaldia amaituta, minutu bateko isiltasuna #Donostian, indarkeria matxistak hildako emakumeak gogoan.@berria#M8GrebaFeministapic.twitter.com/Sif9P91rV3
— jon fernandez (@JONfrnndz) 2019(e)ko martxoaren 8(a)
Bulebarreko kioskoa jendez inguratuta egon da.
Ozen eta argi diogu: Gora borroka feminista!! #M8GrebaFeminista#EmakumeokPlantopic.twitter.com/bD8WwV2ySp
— Donostiako Feministak (@DFeministak) 2019(e)ko martxoaren 8(a)
Jaizkibel konpainiako zapiak altxatzen.
Jaizkibel konpainiako zapiak altxatu dituzte Bulevarrean, txalo artean: "Emakumeak alardean!!"@berria#M8GrebaFeministapic.twitter.com/JTS4jHbvS5
— jon fernandez (@JONfrnndz) 2019(e)ko martxoaren 8(a)
Garbitzaile grebalariak elkarretaratzera iristen. Donostian bezala, beste hainbat tokitan egin dituzte manifestazioak.
Garbitzaile grebalariak, Gipuzkoa plazatik Bulevarrera doaz@berria#M8GrebaFeministapic.twitter.com/kytEpJvImf
— jon fernandez (@JONfrnndz) 2019(e)ko martxoaren 8(a)
Gipuzkoako herrietako ekitaldiak
Azpeitian, kalejiran iritsi dira emakumeak plazara. Globo more bana eskuan, kioskoa inguratu dute, mosaiko erraldoia osatuz. Azoka Plazan egin dute bazkaria, eta mahai ingurua eta tailerrak izan dituzte ondoren.
Globo moreak nagusi Azpeitiko plazan. #M8GrebaFeministapic.twitter.com/RvQznVAyoD
— Uztarria (Azpeitia) (@uztarria) 2019(e)ko martxoaren 8(a)
Arrasaten, jendez bete da herriko plaza. Kantuz egin dituzte haien aldarrikapenak eguerdian, eta mikrofono irekia izan dute ondoren.
Hau da greba feminista! Gora Arrasate!!!
— Arrasateko M8 (@M8Arrasate) 2019(e)ko martxoaren 8(a)
Gure iraultzaren abestia! ðŸÂÂÂÂÂ’ÂÂÂÂÂœðŸÂÂÂÂÂ’ÂÂÂÂÂœðŸÂÂÂÂÂŒªðŸ”¥ pic.twitter.com/yWHal1GENr
3.500 lagun elkartu dira Tolosan eguerdian egin duten manifestazioan, herrian egin den "inoizko mobilizaziorik jendetsuenetako batean". Eskualdeko emakumeak auto karabanan abiatu dira ondoren.
Kaleak hartu ditugu! Josi! Emakumez* lepo egon dira goizean Tolosako kaleak! Eskualdeko 3.500 lagun bildu dira manifestazioan!!! Ikaragarria izan da! Baina hau ez da bukatu! Arratsaldean gehiago! Har ditzagun kaleak! #goraborrokafeminista#m8#martxoak8#m8tolosaldeapic.twitter.com/K7O47U9FGW
— Tolosaldeko Asanblada Feminista (@TAFeminista) 2019(e)ko martxoaren 8(a)
Pentsionistak, zaintzaileak... Elkarretaratzea Hernanin.
#Hernani-ko kontzentrazioa #M8GrebaFeminista Emakume pentsionistak, zaintzaileak... denek grebarekin bat egiteko arrazoi mordoxka dago. #GoraBorrokaFeministapic.twitter.com/zrTpSNlsZy
— Cristina Martín (@KristinaMartn) 2019(e)ko martxoaren 8(a)
Goizean goizetik kalean
Mugimendu feministak gaurko deitutako greba goizean goizetik hasi da nabaritzen. Donostiako Egia auzoan, esaterako, 08:00etarako esnatu dituzte auzokoak, zanpantzarren doinuekin.
#8M2019#M8GrebaFeminista#grebafeminista gure eskubideak eskuratzen joAHALDUNTZEN! âÂÂÂÂÂÂÂÂÂÂÂÂÂÂÂÂÂÂÂÂÂÂœŠðŸ½#Egia@EgiakoNeskGazte@EH_NeskaGazteak@M8EuskalHerria@DFeministakpic.twitter.com/2uZQJUh9n5
— MariPetralin (@ekhi_atorra) 2019(e)ko martxoaren 8(a)
Eta Tolosan batukada feminista egin dute, oraindik argitu gabe zegoenean. Gainera, dagoeneko egin dute performance bat.
Batukada feministarekin hasi dugu martxoaren 8a! Ez dadila bart gauen hasitakoa eten! Gaurko lehen hitzorduak:
— Tolosaldeko Asanblada Feminista (@TAFeminista) 2019(e)ko martxoaren 8(a)
-10:30 kotxe karabana usabaletik
- 12:00 manifestazioa triangulotik
Hartu ditzagun kaleak! Emakumeok* planto! #GoraBorrokaFeminista#m8#M8GrebaFeminista#martxoak8pic.twitter.com/oKxnNhfaPy
Donostian, gurpildun martxa egin dute Martuteneko espetxetik.
“Etxeetan, lantegietan, patriarkatua erreko dugu!” #M8GrebaFeminista#FeministokPlantopic.twitter.com/0m9r3HPHMK
— Donostiako Feministak (@DFeministak) 2019(e)ko martxoaren 8(a)
Grosen, gizonezkoen izena duten kaleei izenak aldatu dituzte.
Gizonezkoen izena duten kaleei izenak aldatzen ari dira Groseko emakumeak. Kolon pasealekua Berta Caceres izango da aurrerantzean 🙆ðŸ½â™€ï¸ÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂðŸÂÂÂÂÂÂÂÂÂÂÂÂÂÂÂÂÂÂÂÂÂÂÂ’ÂÂÂÂÂÂÂÂÂÂÂÂÂÂÂÂÂÂÂÂÂÂÂœâÂÂÂÂÂÂÂÂÂÂÂÂÂÂÂÂÂÂÂÂÂÂœŠðŸ¼ #M8Grebafeminista#BizitzakErdigunean@grosekojaiakpic.twitter.com/c6WgCkGF6x
— Donostiako Feministak (@DFeministak) 2019(e)ko martxoaren 8(a)
Donostiako Justizia Jauregian pintaketak egin dituzte.
(In)justizia matxistari autodefentsa feminista! #M8GrebaFeminista#FeministokPlantopic.twitter.com/fJtq013SJK
— Donostiako Feministak (@DFeministak) 2019(e)ko martxoaren 8(a)
Beasainen autodefentsa feministarako ikastaroa egin dute.
Ekimenez beteta abiatu da #M8GrebaFeminista-ren aldarrikapen eguna. @M8Goierri@M8EuskalHerria@lazkaokopic.twitter.com/AtRNYRDudh
— Goierri Telebista (@GITBinfo) 2019(e)ko martxoaren 8(a)
Bizikleta martxa egin dute Zarautzen.
Gora borroka feminista!!! pic.twitter.com/l6GW2oJjp3
— GrebaFeministaZarautz (@GrebaZarautz) 2019(e)ko martxoaren 8(a)
Ordizian, txalo artean hartu dituzte erresidentziara zerbitzu minimoak egitera joan diren emakumezkoak.
Ordizian mugimendu feministaren txalo eta babes artean sartu dira lanera erresidentziako zerbitzu minimoetako langileak. #M8GrebaFeminista#erresidentziakborrokanpic.twitter.com/GQIwhDgipz
— ELAOriaGoierri (@ELAOriaGoierri) 2019(e)ko martxoaren 8(a)