Italiak Islamabaden duen enbaxadoreak eman du aurkikuntzaren berri. Stefano Pontecorvok berretsi du hilik aurkitu dituztela joan den otsailaren 24tik desagerturik zeuden bi mendizaleak. Alex Txikon mendizale bizkaitarraren bilaketa taldeak aurkitu ditu Daniele Nardi eta Tom Ballard gorpuak, Mummery ertzetik gertu, 5.900 metrora.
Pontecorvok berak azaldu duenez, duela lau egun aurkitu zituzten bi mendizaleen gorpuak, baina familiak haiek zirela berretsi arte itxaron dute aurkikuntzaren berri emateko.
Body of missing British climber Tom Ballard is found on ‘killer mountain’#DanieleNardi#TomBallard#Pakistan#NangaParbatMountain#BritishClimber#StefanoPontecorvohttps://t.co/JDbT6Yavz7pic.twitter.com/UEA4zmnbeZ
— World News Network (@worldnewsdotcom) 2019(e)ko martxoaren 9(a)
Nanga Parbat tontorrera (8.125 m) igotzea zen bi mendizaleen asmoa, baina duela bi aste, 6.250 metroko altueran zeudela eten egin ziren haiekiko harremanak. Txikon bera Pakistanen dago uneotan K2 mendia neguan igotzeko ahalegina egiteko asmoz, eta joan den asteburuan batu zitzaien bi mendizaleak erreskatatzeko lanei.
Ez da lehen aldia Nanga Parbaten halako ezbehar bat gertatzen dena. 1895ean hura igotzen ahalegindu ziren lehen alditik 80 mendizale hil dira han.