Matxismoa

EH Bilduk salatu egin ditu Azkoitiko Pelotai Egunari lotutako mezu matxistak

Salatu duenez, EH Bildurekin lotu nahi izan dituzte mezu horiek, baina koalizioak berdintasunarekiko "konpromiso sendoa" duela nabarmendu du.

Whatsapp taldean idatzitako mezuetako bat. /
Whatsapp taldean idatzitako mezuetako bat. / Urola Kostako Hitza

Berria -

2019ko maiatzak 22

Azkoitiko Pelotai Euneko mutilen txapelketaren Whatsapp taldean irain matxistak idatzi dituzte azken asteetan. Hori dela eta, antolatzaileek erabaki dute mutilen pilota txapelketa bertan behera uztea. EH Bilduk ohar bat kaleratu du gertatutakoaren harira. Izan ere, "azken orduetan", mezu horiek koalizioarekin lotu nahi izan dituztela jakinarazi du.

EH Bilduk ukatu egin du mezu matxisten egileek koalizioarekin zerikusirik dutenik. Gaineratu du irainak ezkerreko indar independentistarekin lotu nahi izateak "intentzionalitate politikoa" duela, eta "onartezin" jo dute. "EH Bilduk konpromiso sendua du berdintasunarekiko herri honetan", gaineratu du.

Horrez gain, koalizioak gaitzetsi egin ditu Pelotai Eguneko Whatsapp taldean zabaldu diren mezu matxistak, eta "babes osoa" agertu die txapelketa horretan parte hartzen ari diren emakumeei. "Ez da erraza horrelako esparru maskulino batera salto egitea eta txalogarria da eman duten pausoa", adierazi du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna