Azkoitiko Pelotai Euneko mutilen txapelketaren Whatsapp taldean irain matxistak idatzi dituzte azken asteetan. Hori dela eta, antolatzaileek erabaki dute mutilen pilota txapelketa bertan behera uztea. EH Bilduk ohar bat kaleratu du gertatutakoaren harira. Izan ere, "azken orduetan", mezu horiek koalizioarekin lotu nahi izan dituztela jakinarazi du.
EH Bilduk ukatu egin du mezu matxisten egileek koalizioarekin zerikusirik dutenik. Gaineratu du irainak ezkerreko indar independentistarekin lotu nahi izateak "intentzionalitate politikoa" duela, eta "onartezin" jo dute. "EH Bilduk konpromiso sendua du berdintasunarekiko herri honetan", gaineratu du.
Horrez gain, koalizioak gaitzetsi egin ditu Pelotai Eguneko Whatsapp taldean zabaldu diren mezu matxistak, eta "babes osoa" agertu die txapelketa horretan parte hartzen ari diren emakumeei. "Ez da erraza horrelako esparru maskulino batera salto egitea eta txalogarria da eman duten pausoa", adierazi du.
Azkoitiko Pelotai Egunaren bueltan gertatutakoaren aurrean Azkoitiko EH Bilduk ondorengo oharra kaleratzen du. pic.twitter.com/g31qDCDGBu
— Azkoitiko EHBildu (@ehbilduazkoitia) 22 de mayo de 2019
