"Hiltzen gaituzten gerren eta zapaltzen gaituen bakearen aurka", protesta performatiboa egin zuten atzo Bilbon, Bakearen eta Desarmearen Aldeko Emakumeen Nazioarteko egunean.
Armiarma talde feminista antimilitaristak antolatu zuen Bilboko elkarretaratzea, eta Hego Euskal Herriko gainerako hiriburuetan ere antolatu zituzten elkarretaratzeak. "Gerrak atzerrian sufritzen dituzte, baina gure bankuek finantzatzen dituzte leku horietara bidaltzen diren armak; BBVAk, esaterako", salatu zuten antolatzaileek.
Donostian, gaur egin dute elkarretaratzea, Bulebarrean.
