Luhusotik (Lapurdi) Gernikara (Bizkaia) egingo du Sarek aurtengo bizikleta martxa, iaz Mont-de-Marsan (Frantzia) eta Zaballako (Araba) kartzelak lotu ondoren. Uztailaren 19an abiatuko da Orain Presoak itzulia ETAren armagabetzearen, desegitearen eta "gizarte zibilaren konpromisoaren sinbolo" den herritik, eta hiru egunera amaituko dute ibilbidea, Gernikan, "bizikidetzaren eta bakearen eredu" den herrian. "Oraindik orain, biktima guztiak eta espetxeen auzia askatuko duten akordiorik gabe, Euskal Herrian ezin dugu bake integral eta egiazkoaz hitz egin", ohartarazi dute antolatzaileek: "Egoera honek elkarbizitza ahalbidetzeko esparruak sortzea zailtzen baitu". Gogora ekarri dutenez, EPPK-ko 254 presoetatik, %65 600 kilometro baino urrunago daude. Beste %21, berriz, 400 kilometro baino urrunago.
Hiru etapatan egingo dute martxa. Uztailaren 19an, Luhusotik Zarautza (Gipuzkoa) joango dira txirrindulariak, handik Lekeitiora (Bizkaia) uztailaren 20an, eta Lekeitiotik Gernikako helmugara, azkenik, uztailaren 21ean. Otorduak, lotarako eta dutxatzeko lekuak nahiz osasun arreta antolatzaileen esku izango da, eta horretarako, 50 euro ordaindu beharko dituzte parte hartzaileek. Itzuli osoa egin gabe, etapa bat egiteko ere eman dute aukera, 20 eurotan. "Ibilbidean zehar geldialdiak egingo dira zeharkatuko ditugun herri sarreretan, etapa osoak egin gabe, zatitxo bat egin nahi dutenak batu ahal izateko", azaldu dute. Sareren webgunean jarri dute informazio guztia.
Orain Presoak Txirrindula martxa aurkeztu dugu gaur Gernikako Picasso muralaren parean
— Sare #OrainPresoakðŸ‘ÂÂŒðŸ—ÂÂÂÂ🕊 (@sare_herritarra) 2019(e)ko ekainaren 4(a)
📠Oharra » https://t.co/F7bzxRfc5k#OrainPresoakpic.twitter.com/duZlugRbTE