Eusko Jaurlaritzako Segurtasun Sailak azaldu duenez, gizonezko bat hil da eta emakume bat zauritu da Antzuolan (Gipuzkoa) izandako errepide istripuan. Arratsaldeko 17:15 inguruan gertatu da ezbeharra, GI-2632 errepidean.
Larrialdi zerbitzuak tokira heldu direnerako hilda zegoen gizonezkoa. Emakumea, berriz, Arrasateko erietxera eraman dute zaurituta. Errepidea itxi egin behar izan dute bi norantzetan.