Eusko Jaurlaritzako Segurtasun sailak jakinarazi duenez, gizonezko bat hil da Muxikan (Bizkaia), Bizkaiko Balkoia rallyan parte hartzen ari zela. Hildakoa 35 urteko Gernika-Lumoko bizilagun bat zen.
Ezbeharrean, lasterketako auto bat bidetik irten da eta zuhaitz bat jo du. Kopilotua istripuan zendu da. Gidaria, berriz, larri zaurituta eraman dute Gurutzetako ospitalera (Barakaldo, Bizkaia).
Ezbeharra 10:45ean gertatu da, Muxikako Berroja auzoan. Istripuaren ondorioz, bertan behera utzi dute lasterketa.
