FUTBOLA

Espainiako Liga hasteko, Athletic-Bartzelona

Valentzia-Reala, Alaves-Levante, Mallorca-Eibar eta Leganes-Osasuna izango dira euskal taldeen partidak Espainiako Lehen Mailako lehen jardunaldian.

Espainiako Liga hasteko, Athletic-Bartzelona
Espainiako Liga hasteko, Athletic-Bartzelona

Berria -

2019ko uztailak 4 09:18

Gaur eguerdian egin dute Espainiako Lehen Mailako 2019-2020ko denboraldiaren egutegiaren zozketa. Athleticek eta Alavesek etxean jokatuko dute sasoiko lehen partida: bizkaitarrek Bartzelona txapelduna hartuko dute San Mamesen; arabarrek, berriz, Levanteren bisita hartuko dute Mendizorrotzan. Beste hiru euskal taldeek etxetik kanpo jokatuko dute —Eibarrek eta Realak kanpoan jokatzea eskatu dute lehen hiru jardunaldietan, estadioetan obrak egiten ari baitira—. Hala, donostiarrek Valentziari egingo diote bisita, eibartarrek Mallorca igo berriari, eta iruindarrek Leganesi. Irailaren 16an, 17an, 18an eta 19an jokatuko dituzte lehen jardunaldiko norgehiagokak.

Bost euskal talde egonda, 20 derbi jokatuko dituzte. Lehena bigarren jardunaldian jokatuko dute Osasunak eta Eibarrek, Sadarren, irailaren 23an, 24an, 25ean edo 26an. Astebete geroago, berriz, Athletic eta Reala izango dira aurrez aurre, San Mamesen.

Denboraldiko azkeneko jardunaldian, berriz, Athleticek Granadan (Espainia) jokatuko du; Realak, Madrilen, Atletico Madrilen aurka; Eibarrek, Vila-realen (Herrialde Katalanak); Alavesek Bartzelona hartuko du; eta Osasunak, Mallorca. Maiatzaren 24an, 25ean, 26an edo 27an jokatuko dituzte sasoiko azkeneko partidak. 

 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Baikoren pilotarien arteko bilera, joan den urriaren amaieran. ©Aritz Loiola / Foku

Akordioa lortu dute EPELek eta pilotariek

Julen Etxeberria - Paulo Ostolaza

Grebalariek onartu egin dute enpresen ligak egindako eskaintza, eta bertan behera utzi dute lanuztea. Iosu Eskirozi, Victor Estebani, Unai Lasori eta Jon Mariezkurrenari kontratuak berrituko dizkiete.

Panaman aritu zen azkenekoz Euskal Selekzioa ©

Euskal Selekzioak Costa Ricaren aurka jokatuko du azaroaren 16an, Ipuruan

Aitor Manterola

FIFAko egutegiaren barruan hirugarren partida izango da gizonezkoen selekzioarentzat: Venezuelaren aurka aritu zen 2018an, eta Panamaren kontra iaz. Horixe izan du azkeneko partida orain arte.

 ©EFE

Woodsek irabazi du Uribarri-Gaubean

Aitor Manterola

Azkeneko kilometroan utzi ditu atzean iheskideak, tartean bigarren izan den Omar Fraile. Richard Carapazek eusten dio lehen postuari. 

 ©BERRIA

«Buruz indartsua ez bazara, eskiak frustrazioa ekar dezake askotan»

Unai Ugartemendia

Ainhoa Ibarra gernikarra Euskal Herriak eman duen eskiatzailerik onena da. Oso gaztetan, Katalunia aldera abiatu zen, bere pasioarekin jarraitzeko asmoz. Lau Olinpiar Jokotan aritu da bere ibilbidean, eta gaur egun bere talde propioa dauka Aran bailaran (Herrialde Katalanak); Kataluniako selekzioan duen koordinatzaile tekniko lanpostuarekin uztartzen du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna