Goizean goizetik hasi dira lanean Tafallan (Nafarroa) eta inguruetan, uholdeek utzitako kalteei aurre egiteko. Katale materialak handiak dira, eta uholdeen ondorioz pertsona bat hil ere egin da, Ezporogin (Nafarroa). Tafallako eta inguruetako kaleak atzo Zidakos eta Sansoain ibaiek izan zuten indarraren erakusle dira gaur. Urak eramandako autoak ageri dira iraulita eta okerka. Etxetresnak ere ikus daitezke, ura hainbat etxebizitzetara, garajetara eta saltokitara sartu baita. Horrez gain, ibaiek eramandako adarrak eta hondakinak ageri dira kale lokaztuetan.
Horrela esnatu da #Tafalla gaur @berriapic.twitter.com/bIpqb3aRIe
— Ion Orzaiz (@IonOrzaiz) 2019(e)ko uztailaren 9(a)
Ahal bezala ari dira bizilagunak eta garbiketa nahiz larrialdi zerbitzuak lanean, kalea estaltzen duen lokatza garbitu eta uholdeek utzitako hondakinak kentzeko #Tafalla@berriapic.twitter.com/UQwLmY6Ky2
— Ion Orzaiz (@IonOrzaiz) 2019(e)ko uztailaren 9(a)
Herritarrak kalera irten dira goizeko lehen orduan, hondakinak biltzera eta ingurua garbitzera. Tafallako Udalak, berriz, Babes Zibilak, udaltzaingoa, Foruzaingoa Guardia Zibila eta garbiketa zerbitzua bildu ditu lanak koordinatzeko. Udalbatzak ezohiko bilkura egin du ondoren. Udalak aho batez onartu du kalteei aurre egiteko diru laguntzak eskatzea. Horretarako, Nafarroako Gobernuari galdegin dio uholdeak "hondamendi gertakari" gisa aitor ditzan, eta Espainiako Gobernuari kaltetutako ingurua "hondamendi eremu" izendatu dezan.
Hondamendiaren ondorena #Tafalla@berriapic.twitter.com/RJF1LLnAoN
— Ion Orzaiz (@IonOrzaiz) 2019(e)ko uztailaren 9(a)
Espronceda kalea #Tafalla@berriapic.twitter.com/Yw2gEHkcoz
— Ion Orzaiz (@IonOrzaiz) 2019(e)ko uztailaren 9(a)
Horrez gain, udalak hiru mahai sortu ditu. Bata, teknikoa; kalteak aztertu eta zenbatzeko. Kalteak "oso handiak" zirela aurreratu zuten atzo, eta egunak argitu ondoren ikusitakoak berretsi egin du atzoko ustea. Urak etxebizitza eta saltoki ugari hondatu ditu. Tafallako arkitektoa eraikinak nola dauden aztertzen hasia da. Udalak beste mahai bat sortu du kalteak jasan dituzten herritarren harrerarako, eta hirugarren bat herria garbitzen langundu nahi duten herritarrak koordinatzeko. Udalak aurreratu duenez, auzolana "ezinbestekoa" izango da normaltasunera itzuli ahal izateko.
Bizilagun ugari kezkatuta daude jasan duten kalte handiagatik. Espronceda kaleko burdindegiko langileak etsita mintzatu dira, ibaiak bizitza osoko lana eraman dielako. Lokatz artetik aritu dira ateratzen baliagarriak zaizkien tresna eta objektuak. "Hau hondamendia da", adierazi dute.
Gerra eremua dirudi uneotan Tafallako erdiguneak. Jendea pala, ontzi eta ur mahukakin lanean, hondakinak eta autoak botata... Malkotan daude bizilagun batzuk #Tafalla@berriapic.twitter.com/tg2pHpM1ZY
— Ion Orzaiz (@IonOrzaiz) 2019(e)ko uztailaren 9(a)
Espronceda kaleko burdindegiko langileak etsituta daude: "Hau hondamendi bat da". Bizitza osoko lana eraman die ibaiak. Lokatz artean egon daitezkeen tresnak eta objektu baliagarriak ateratzen ari dira dendatik. Ez dakite kaltea inork ordainduko dien #Tafalla@berriapic.twitter.com/fB3YlUPQB9
— Ion Orzaiz (@IonOrzaiz) 2019(e)ko uztailaren 9(a)
#Tafalla@berriapic.twitter.com/nbeJRLmIsz
— Ion Orzaiz (@IonOrzaiz) 2019(e)ko uztailaren 9(a)
