Gasteizko jaiak

Zeledoni abisua, hiru kooperanteren eskutik

Osasun arloko hiru langile kooperantek botako dute Gasteizko jaiei hasiera emango dien suziria.

Berria -

2019ko uztailak 22

Gasteizko Udalak ezagutarazi du nortzuk botako duten jaien hasierarako suziria. Imanol Vega traumatologoak, Adela Fonseca erizainak eta Francisco Granados ortopedistak bereganatuko dituzte begirada guztiak, abuztuaren 4ko 18:00etan. Hiru profesional horiek urtean hainbat aste ematen dituzte Bolivian eta Beningo Errepublikan, eritasun larriak dituzten herritar baliabiderik gabeak laguntzen.

Aurtengo jaien hasierako suziria botatzeko arduraduna aukeratzea EAJko Gasteizko Udaleko ordezkariei dagokie. Gorka Urtaran alkateak azaldu du askoz osasun profesional gehiago direla kooperante, baina hiru horiek aukeratu dituztela "mugarik gabeko elkartasuna eta eskuzabaltasuna" islatzeko. "Aurtengo txupinero izendatuz, haien lana aitortu nahi dugu, eta gure esker ona eta miresmena adierazi".

Suziria piztuko duten osasun arloko hiru profesionalek esker ona adierazi diete Gasteizko Udaleko ordezkariei. "Ez dago Andre Maria Zuriaren jaietako txupineroa izatea baino ohore handiagorik", azaldu du Vegak, aukeratutakoen izenean. "Suziria, jaiak hasteko ez ezik, ‘eskerrik asko’ handia izatea nahi dut, itzalean lan egiten duten eta hemen egoterik ez duten kooperanteen partetik".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna