Bilboko Aste Nagusia

Aburto: "Bilboko Konpartsak gizartearen kontrako bidean doaz"

Bilboko Konpartsek kalejira batean salatu dute jaigunean udaltzain gehiegi dagoela. Alkateak erantzun die polizia kopurua handituta atxiloketa gehiago egin litezkeela.

Marijaia atzo, Kaskagorri konpartsaren txosnaren aurrean. /
Marijaia atzo, Kaskagorri konpartsaren txosnaren aurrean. / Marisol Ramirez/Foku

Berria -

2019ko abuztuak 20

Ezohiko kalejira bat izan zen atzo Bilboko txosnetan. Konpartsek jaigunean udaltzain gehiegi dagoela salatu nahi izan zuten, eta, horretarako, Free Munipa Tour izeneko kalejira bat egin zuten. Konpartsek azaldu nahi izan dute ez daudela ados Bilboko Udalak segurtasunaren arloan abiatu duen bidearekin. Adierazi dutenez, txosnek tirabirarik gabeko eremu bat izan behar dute, "aldarte onekoa".

"Ez gaude ados udalak segurtasunaren inguruan duen diskurtsoarekin, ezta iaz hainbestetan ikusi genituen polizia kontrolekin ere. Segurtasuna ez da bermatzen jaigunea poliziaz beteta. Kontrolak ez dio mesederik egiten jai giroari, kontrakoa baizik; ezinegona sortzen du jendearengan", salatu dute Bilboko Konpartsek. Aldarrikatu dute jaiguneak zaintzeko beste modu batzuk bultzatu behar direla, eta, horretarako, "guztion lan sozial handiagoa" behar dela.

Konpartsek salatu dute "polizia talde handiak" dabiltzala batetik bestera txosnetan eta sarbide guztietan, "uniformatuta eta jarrera harroputz batekin". Polizien jarrerak jaiarekin bat egin beharko lukeela diote, eta jarrera "lasaia eta alaia" izan beharko luketela. "Jaigunea konpartsen eremua da, eta guk tirabirarik gabeko eta aldarte oneko esparru bat izatea nahi dugu". Aldarrikatu dute konpartsak jaigunearen zaintzan parte hartzen dutela, eta hala egiten jarraituko dutela, "betiere, jai giroa zaintzeko".

Aburtok irratiko elkarrizketa batean erantzun die konpartsei, eta gizartearen kontrako bidean doazela egotzi die, haren ustez gizarteak kalean polizia gehiago egotea nahi baitu. Adierazi du jakin nahiko lukeela ea nori molestatzen dion polizia gehiago egoteak. Abuztuan 104 polizia gehiago daudela esan du, eta gaineratu du agenteak ugarituta handitu egiten dela "segurtasunaren pertzepzioa" ere.

"Eremu batean udaltzain bat ikusten dugunean ondo sentitzen gara, eta jaigunean gauza bera gertatzen da. Bilboko Konpartsak beste dinamika batean dago. Autobidetik joanda norbaitek ikusten badu beste guztiak kontrako bidean doazela, pentsa dezake besteak oker dabiltzala, edo, agian, has daiteke pentsatzen eurak direla oker daudenak", adierazi du.

Aburtok azpimarratu du polizia uniformedunek delituak eragozten dituztela, eta uniformerik gabekoek delitugilea ezustean harrapatzeko modua ematen dutela. "Polizia gehiagorekin, atxiloketa kopurua handitu egin daiteke". Esan du azken bi urteetan lapurreta gehiago egon direla, baina, polizia kopuru handiago bati esker, proportzioan jende gehiago atxilotu dutela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna