Istripuetako bat Zizur Nagusia eta Zizur artean (Nafarroa) gertatu da, A-12 autobidean, gauerdi aldera. Auto bat kontrako bidean zihoan, eta beste bi auto jo ditu aurrez aurre. Istripuaren ondorioz, kontrako bidean gidatzen ari zen gizonezkoa hil da. Lizarrakoa zen, eta 33 urte zituen.
Ezbeharrean, hiru lagun larri zauritu dira, eta zaintza intentsiboetako unitatean daude. Zaurituetako bat hil berri den gidariaren auto berean zihoan. Guardia Zibila istripuaren zergatiak ikertzen ari da.
Beste istripua A-15 autobidean gertatu da, Barasoaingo irteeratik hurbil. Kamioi batek su hartu du oraindik argitzeko dauden zergatiengatik. Ondorioz, hil egin da ibilgailuko gidaria.
