ESPAINIAKO bozak

EAJk zazpigarren diputatua galdu du

Atzerriko botoen arabera zegoen dantzan diputatu hori. Jeltzaleek galdutakoa PPk lortu du. EH Bilduk talde propioa edukiko du kongresuan.

Bea Fanjul, kanpaina amaierako ekialdian, Gasteizen. /
Bea Fanjul, kanpaina amaierako ekialdian, Gasteizen. / Juanan Ruiz/Foku

Berria -

2019ko azaroak 13

Bukatu dute atzerriko botoen kontaketa, eta EAJk Espainiako Gorteetarako hauteskundeetan Bizkaian lortutako diputatuetako bat
(Jon Aiartza) galdu du PPren mesedetan (Bea Fanjul). PPk Bizkaian lortu du EAEko diputatu bakarra. Jeltzaleek ez dute emaitza inpugnatuko, eta, horrenbestez, sei eserleku edukiko dituzte Espainiako Kongresuan. PPk, berriz, 89.

Espainiako Gorteetarako hauteskundeek emaitza argiak utzi zituen Hego Euskal Herriko lurralde gehienetan. Araban, Gipuzkoan eta Nafarroan, indar politikoek alde handiz lortu zuten azken diputatua eskuratzea. Bizkaian, aldiz, partida zabalik zegoen oraindik, eta Espainiako Estatutik kanpoko botoek —4.500 inguru dira— diputatuen behin betiko banaketa alda zezaketen.

Batetik, EAJren azken diputatua zegoen kolokan. Joan den igandeko boto guztiak zenbatuta, 163 botoren aldea zegoen EAJren eta PPren artean. Baina horrek ez zuen esan nahi atzerritik iritsi diren 4.500 boto horietan PPk EAJk baino 163 boto gehiago lortu behar zuenik; gutxiagorekin ere, PPk kendu ahal zion azken diputatua EAJri. Izan ere, D’Hont sistemaren arabera, jeltzaleek, laugarren diputatua lortzeko, PPren botoak halako lau jaso behar zituzten. PPko iturriek jakinarazi dutenez, 731 boto lortu ditu EAJk, eta 406 PPk. 243 botoko aldea da hori.

EH Bilduk, talde propioa
Bestetik, EH Bilduk talde propioa edukiko du Espainiako Kongresuan. Talde parlamentarioa osatu ahal izateko, bi baldintza bete behar dira: gutxienez hamabost diputatu izatea, edo bost diputatu lortzea eta indar hori aurkezten den barruti guztietan botoen %15 eskuratzea gutxienez. Herenegun, EH Bilduk %15eko langa hori aiseago gainditu zuen Araban, Gipuzkoan eta Nafarroan, baina ozta-ozta Bizkaian: botoen %15,05 erdietsi zituen.

Aurretik Amaiurrek izan zuen: orotara, zazpi diputatu lortu zituen 2011n, baina, Nafarroan %14,86 boto bilduta, Espainiako Kongresuko Mahaiak ez zion utzi talde parlamentarioa osatzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna