Cheboi Collins 1 dortsalarekin abiatu da Donostiako Maratoian, eta, gainontzeko partaideak atzean utzi ostean, bakarrik helmugaratuta lortu du 42. edizioko garaipena. Kenyakoak 2:11:56an egin ditu 42 kilometroak. Emakumeen artean azkarrena Susana Cunha portugaldarra izan da: 2:36:07an geratu du erlojua.
Gizonezkoen mailan, Demeke Kasawek (2:12:13) eta Noah Kangogok (2:12:24) osatu dute podiuma. Emakumeenean, Bentu Wodajo (2:36:40) eta Tejinesh Gebisa (2:37:44) helmugaratu dira Cunharen atzetik. Guztira 3.000 lagun atera dira lasterketan.
Maratoi erdiko lasterketan Suediako Archie Castell eta Annemari Kiekara gailendu dira.
