Joan zen astean jakinarazi zuten Gurutzeko ospitalean zegoen gaixo batek amorrua ote zuen ikertzen ari zirela. Baieztatu zuten gaixotasuna, eta gaur jakinarazi dute atzo arratsean hil zela gizonezkoa.
Osasun Sailak eta Osakidetzak doluminak eman dizkiete senitartekoei eta gertukoei.
Abuztuan, Iberiar penintsulatik kanpoko katu batek hozka egin zion atzo hildako gizonezkoari, eta, sintomen bilakaera ikusirik, gaixotasun horren susmoa piztu zen. Protokoloa jarri dute martxan, baina, azkenean, hil egin da. EAEko Osasun Publikoko Zuzendaritzak argi utzi du hemengo etxeko animaliek ez dutela amorrurik.
